ترسیلات زر میں اضافے کے لیے نیا پروگرام شروع کرنے کا فیصلہ

یہ پروگرام اوورسیز پاکستانیوں کے لیے رقم وطن بھجوانے کو فروغ دینے کے لیے شروع کیا جائے گا (فوٹو : فائل)

---

حکومت نے اوورسیز پاکستانیوں کے لیے ترسیلات زر وطن بھجوانے کو فروغ دینے کے لیے نیا پروگرام متعارف کروانے کا فیصلہ کیا ہے جس کی حتمی منظوری کابینہ کی اقتصادی رابطہ کمیٹی کے بعد وفاقی کابینہ دے گی۔

ایکسپریس کو دستیاب دستاویز کے مطابق کابینہ کی اقتصادی رابطہ کمیٹی (ای سی سی) کل (بدھ) قومی ترسیلات زر لائلٹی پروگرام کی منظوری دینے کا جائزہ لے گی۔

اس حوالے سے کابینہ کی اقتصادی رابطہ کمیٹی کا اجلاس کل ساڑھے 11 بجے وزیر خزانہ شوکت ترین کی زیر صدارت منعقد ہوگا جس میں سنگل پوائنٹ ایجنڈے پر غور ہوگا۔