ٹنڈوالٰہیارسیکڑوں بچے انسداد پولیو کے قطرے پینے سے محروم

مجموعی طورپر 142 بچے انسداد پولیو کے قطرے پینے سے محروم رہے۔ فوٹو: فائل

---

ٹنڈوالہیا رمیں اس مرتبہ بھی سہ روزہ پولیو مہم کے دوران سیکڑوں بچے پولیو کے قطرے پینے سے محروم رہ گئے۔

تفصیلات کے مطابق سہ روزہ پولیو مہم میں ٹنڈوالہیار میں تعلقہ چمبڑ میں 41، جھنڈو مری میں40 اورٹنڈوالٰہیار میں61 بچوں کو انسدادپولیو کے قطرے نہ پلائے جاسکے، مجموعی طورپر 142 بچے انسداد پولیو کے قطرے پینے سے محروم رہے۔



ڈی ایچ او ڈاکٹر علی محمد ملہانو اور ضلعی فوکل پرسن پولیو ڈاکٹر انور قادر میمن نے ایکسپریس کو بتایا کہ ضلع میں سہ روزہ پولیو مہم کے دوران گھر گھر جانیوالی ٹیمیں ہر گھر ، ہر علاقے، ہر یوسی میں پہنچی تھیں لیکن جو بچے اپنے گھروں ، علاقوں یا شہر سے باہر گئے ہوئے تھے، ان بچوں کو پولیو کے قطرے نہیں پلائے جاسکے۔