خیبرپختونخوا کابینہ کا اجلاس 13 اگست کو طلب

خیبرپختونخوا کابینہ کا اجلاس 13 اگست کو طلب کرلیا گیا ہے جس میں 18 نکاتی ایجنڈا زیر غور آئے گا۔


کابینہ اجلاس میں جنگلات کے تحفظ اورغیرقانونی طور پر لکڑی کی کٹائی کو روکنے سے متعلق قانون میں ترمیم اور اقدامات کابینہ اجلاس کے ایجنڈے کا حصہ ہیں۔ اس کے علاوہ اجلاس میں بجلی کی پیداوار اور ترسیل سے متعلق الیکٹرک پاورایکٹ 1997ء میں ترمیم، سوات میں انجینئرنگ یونیورسٹی کے قیام کے لیے اضافی اراضی کی فراہمی کی بھی منظوری دی جائے گی۔

کابینہ اجلاس کے اندر صوبائی حکومت کے ہیلی کاپٹروں کی دیکھ بھال اور ان کی اڑانوں کے لیے پاک فضائیہ سے معاہدہ، اسکول بیگز سے متعلق رولز کی منظوری، اسپیشل پولیس فورسز کے 98 اہلکاروں کے لیے شہداء پیکج کی منظوری بھی دی جائے گی۔