انڈونیشین فوج میں شمولیت کے لیے خواتین کے کنوارے پن کا ٹیسٹ ختم

انڈونیشیا میں انسانی حقوق کی تنظیموں کی جانب سے اس عمل پر کئی سالوں سے احتجاج جاری تھا

---

انڈونیشیا میں خواتین کی فوج میں شمولیت کے لیے کنوارے پن کا ٹیسٹ ختم کردیا گیا۔

ایک انٹریو میں انڈونیشا کے آرمی چیف جنرل انڈیکا پرکسا نے فوج میں خواتین کی شمولیت کے لیے لازمی قرار کنوارے پن کا ٹیسٹ ختم کرنے کا اعلان کرتے ہوئے کہا کہ اب فوج میں بھرتی ہونے والی خواتین کا کنوارے پن کی تصدیق کے لیے کیا جانے والا ٹیسٹ نہیں کیا جائے گا۔

واضح رہے کہ انڈونیشیا میں اس سے قبل خواتین کی فوج میں شمولیت کے لیے کنوارے پن کا ٹیسٹ کیا جاتا تھا تاہم اس عمل کے خلاف انڈونیشیا میں انسانی حقوق کی تنظیموں کی جانب سے کئی سالوں سے شدید احتجاج کیا جارہا تھا اور اس ٹیسٹ کو انسانی حقوق کی خلاف ورزی قرار دیا گیا تھا۔