پاکستان کا افغانستان میں پھنسے میڈیا کارکنان کیلئے ویزا پالیسی میں نرمی کا فیصلہ

وہ بین الاقوامی صحافی جو پاکستان کے راستے افغانستان چھوڑنا چاہتے ہیں وہ پاکستان کا ویزا اپلائی کریں، وزیرداخلہ۔ فوٹو:فائل

---

افغانستان میں تبدیل ہوتی صورت حال کے پیش نظر حکومت پاکستان نے افغانستان میں پھنسے صحافیوں اور میڈیا کارکنان کے لئے ویزا پالیسی میں نرمی کا فیصلہ کیا ہے۔

ایکسپریس نیوز کے مطابق وفاقی وزیر داخلہ شیخ رشید احمد نے اہم ویزا پالیسی کا اعلان کردیا ہے، اور بتایا ہے کہ افغانستان میں تبدیل ہوتی صورت حال کے پیش نظر حکومت پاکستان نے افغانستان میں پھنسے صحافیوں اور میڈیا کارکنان کے لئے ویزا پالیسی میں نرمی کا فیصلہ کیا ہے۔

وزیرداخلہ نے کہا ہے کہ حکومت پاکستان کی طرف سے ویزا نرمی کا اعلان افغانستان میں کام کرنے والے صحافیوں اور میڈیا کارکنان کے تحفظ کو مدنظر رکھتے ہوئے کیا جارہا ہے، وہ بین الاقوامی صحافی اور میڈیا کارکنان جو پاکستان کے راستے افغانستان چھوڑنا چاہتے ہیں ان سے اپیل ہے کہ وہ پاکستان کا ویزا اپلائی کریں، وزارت داخلہ ان بین الاقوامی صحافیوں اور کارکنان کو ترجیحی بنیادوں پر ویزا جاری کرے گی۔