سری دیوی کیساتھ عامر خان نے کام کیوں نہیں کیا اداکار نے وجہ بتا دی

ماضی میں اداکار عامر خان نے اداکارہ سری دیوی کے ساتھ کام سے کیوں انکار کیا تھا اس کی دلچسپ وجہ انہوں نے خود ہی بتا دی ہے۔

بھارتی میڈیا کی رپورٹس کے مطابق بالی ووڈ فلم انڈسٹری کے کئی فلم سازوں کی خواہش تھی کہ مداح 'مسٹر پرفیکشنسٹ' عامر خان اور معروف اداکارہ سری دیوی کو اسکرین پر ایک ساتھ دیکھیں تاہم ایسا نہ ہوسکا۔

فلم سازوں کا ماننا تھا کہ اگر دونوں فنکار ایک ساتھ اسکرین پر نظر آئے تو عامر خان اور سری دیوی کی جوڑی کو کافی پسند کیا جائے گا تاہم آخری وقت پر عامر خان ہمت ہار گئے۔ عامر خان اور سری دیوی کا ایک ساتھ فوٹو شوٹ بھی ہوا تھا۔




رپورٹس کے مطابق عامر خان یہ محسوس کر چکے تھے کہ سری دیوی کے ساتھ ان کی جوڑی کو پسند نہیں کیا جائے گا کیونکہ وہ عمر میں ان سے بڑی لگتی ہیں جب کہ وہ حال ہی میں اپنی ہم عمر اداکارہ مادھوری ڈکشٹ کے ساتھ فلم 'قیامت سے قیامت تک' میں کام کر چکے تھے۔



مداح آج اداکارہ سری دیوی کو ان کی 58ویں سالگرہ پر یاد کر رہے ہیں۔ سری دیوی 24 فروری 2018ء کو اچانک حرکت قلب بند ہونے سبب چل بسی تھیں۔ اداکارہ نے بالی ووڈ کی کئی فلموں میں لاجواب اداکاری کے جوہر دکھائے۔