ہیٹی میں ہولناک زلزلے سے ہلاکتیں 1297 ہوگئیں

زلزلے کے آفٹر شاکس کا سلسلہ ابھی تک جاری ہے جن کی شدت ریکٹر اسکیل پر 5 اعشاریہ 2 تک، ریکارڈ کی گئی ہے،جیولوجیکل سروے (فوٹو: اےایف پی)

---

کیریبئین ملک ہیٹی میں آنے والے 7 اعشاریہ 2 شدت کے زلزلے نے بڑے پیمانے پر تباہی مچادی جس کے نتیجے میں ہلاکتوں کی تعداد 1297 ہوگئی جبکہ زخمیوں کی تعداد 5 ہزار سے بتائی جارہی ہے۔

امریکی جیولوجیکل سروے کے مطابق ایک روز قبل آنے والے زلزلے کا مرکز سینٹ لوئیس دوسود سے 12 کلومیٹر دور شمال مشرق میں 10 کلومیٹر گہرائی میں تھا۔ ہیٹی کے محکمئہ شہری تحفظ کے مطابق زلزلے سے بڑے پیمانے پر تباہی پھیلی ہے اور ہلاکتوں میں اضافے کا خدشہ ہے۔

ریسکیو ادارے کے ترجمان کا کہنا ہے کہ سب سے زیادہ ہلاکتیں جنوبی ہیٹی میں ہوئیں جہاں تعداد 1 ہزار 54 ہوگئی، گرانڈ اینسے میں 119، نیپس میں 122 اور شمال مشرق میں 2 ہلاکتیں ہوئیں۔

Hôtel Le Manguier in Okay, #Haiti is "completely flattened" and it's owner, former Senator Gabriel Fortune, was reportedly in the building when the 7.2 earthquake struck the city earlier today. pic.twitter.com/tFhzGZgWio

— HaitiInfoProj (@HaitiInfoProj) August 14, 2021

زلزلے کے آفٹر شاکس کا سلسلہ ابھی تک جاری ہے جن کی شدت ریکٹر اسکیل پر 5 اعشاریہ 2 ریکارڈ کی گئی ہے۔ یو ایس ایڈ کے بیورو فار ہیومینیٹرین اسسٹنس کے مطابق یو ایس ایڈ نے متاثرہ علاقے میں امدادی کاموں کا آغاز کردیا ہے۔

🚨ALERT: A magnitude 7.2 earthquake struck #Haiti this morning. @USAID disaster experts are on the ground assessing damage & needs. pic.twitter.com/Tc4F7zoWHC

— USAID's Bureau for Humanitarian Assistance (@USAIDSavesLives) August 14, 2021

ہیٹی کے وزیراعظم نے ملک بھر میں ایک ماہ کے لیے ایمرجنسی نافذ کرتے ہوئے اعلان کیا ہے کہ تمام دستیاب حکومتی وسائل کا استعمال کرتے ہوئے امدادی کاموں میں تیزی لائیں گے۔

واضح رہے کہ ہیٹی میں 2010 کو 7.0 شدت کے زلزلے میں ایک لاکھ 60 ہزار سے زائد افراد ہلاک ہوگئے تھے جب کہ مالی نقصان کا تخمینہ 8 ارب ڈالر ؛گایا گیا تھا، اسی طرح 2018 میں 7.1 شدت کے زلزلے میں 12 افراد ہلاک ہوگئے تھے۔