لاہور میں جلوس پر حملے کی منصوبہ بندی پر دو دہشت گرد گرفتار

ملزمان سے بارودی مواد، ڈیٹو نیٹر، سیفٹی فیوز اور اسلحہ برآمد ہوا

---

محکمہ انسداد دہشت گردی (سی ٹی ڈی) نے لاہور میں بڑی کارروائی کرتے ہوئے دو دہشت گرد گرفتار کرلیے۔

ترجمان سی ٹی ڈی کے مطابق گرفتار دہشت گردوں میں عبدالمنان اور عمران اختر شامل ہیں۔ دونوں کو جلو گاؤں سے گرفتار کیا گیا۔

ان کا تعلق کالعدم القاعدہ سے ہے۔ ان کا ہدف محرم الحرام میں جلوس کو نشانہ بنانا تھا۔ ملزمان سے بارودی مواد، ڈیٹو نیٹر، سیفٹی فیوز اور اسلحہ برآمد ہوا۔ سی ٹی ڈی کی جانب سے ملزمان سے مزید تحقیقات جاری ہیں اور ان کے ساتھیوں کے بارے میں بھی پوچھ گچھ کی جارہی ہے۔