طالبان کی ڈوجنگ کار سے لطف اندوز ہونے کی ویڈیو وائرل

طالبان تفریحی پارکس میں ڈوجنگ کار سے لطف اندوز ہورہے ہیں

---

افغانستان میں طالبان کی فتح کے بعد مختلف دلچسپ ویڈیوز سامنے آرہی ہیں جن میں طالبان کہیں جھولے جھول رہے ہیں تو کہیں سیلفیاں لی جارہی ہیں۔

افغانستان میں جنگوں سے چور نوجوان طالبان کے اندر کا چھپا بچہ باہر آگیا۔ سوشل میڈیا پر ویڈیوز وائرل ہوگئیں جس میں طالبان تفریحی پارکس میں ڈوجنگ کار سے لطف اندوز ہورہے ہیں۔

سوشل میڈیا پر ایک صارف نے لکھا کہ ان میں سے کتنے ہی نوجوان طالب کا بچپن امریکا کی چھیڑی گئی ہولناک جنگ کی نذر ہوگیا، دنیا کو افغان عوام کے دکھوں کو سمجھنا اور ان کا مداوا کرنا چاہیے۔

Young taliban dodging car video pic.twitter.com/6Bc0bE2Ivb

— Faham Basha (@FahamBasha) August 17, 2021

ایک اور ویڈیو بھی سامنے آئی جس میں دیکھا جاسکتا ہے کہ ملک کی رونقیں بحال ہورہی ہیں۔ بازار کھلے ہیں اور جگمگا رہے ہیں جہاں خریدار بھی موجود ہیں۔ طالبان عہدے داروں نے جب بازار کا دورہ کیا تو شہریوں نے ان کے ساتھ سیلفیاں بھی لیں۔

Meanwhile in Herat life goes on as normal and members of the public even stop to take a selfie with t
Taliban. pic.twitter.com/92ROfkNRi6

— Hunt (@El_Hunto) August 15, 2021

اسی طرح کی ایک ویڈیو سامنے آئی جس میں طالبان جم میں موجود ایکسرسائز مشینوں پر ورزش کررہے ہیں۔ سوشل میڈیا پر کسی نے اس جم کو امریکی فوج کا خالی کیا گیا جم قرار دیا تو کسی نے صدارتی محل کا جم کہا۔

https://twitter.com/i/status/1426629745043722242

طالبان کی اپنے سخت دشمن اور شمالی اتحاد کے کمانڈر عبدالرشید دوستم کے محل پر قبضے کے بعد اس میں ناشتے اور کھانے پینے کی ویڈیو بھی سامنے آئی۔ افغانستان جیسے غریب اور پسماندہ علاقے میں دوستم کے محل نما گھر اور قیمتی سامان کو دیکھنے کے بعد اس کے شاہانہ طرز زندگی سے متعلق سوالات بھی پیدا ہوئے۔

Taliban fighters are enjoying "luxurious tea party" at Mazar e Sharif inside the palatial mansion of Abdur Rasheed Dostum, notorious warlord who has enjoyed oversized influence on Afghan politics for too long pic.twitter.com/kM0TODAHKb

— Naveed Hussain (@navidjourno) August 15, 2021

افغان جنگ میں فتح کے نتیجے میں امریکا اور افغان فوج کا چھوڑا گیا اسلحہ اور عسکری ساز و سامان بھی طالبان کے ہاتھ لگا۔ ان میں امریکی ہیلی کاپٹرز بھی شامل ہیں جو افغان حکومت کو دیے گئے تھے۔

Footage of Taliban forces having captured M-17 military helicopters
pic.twitter.com/7LIPHEloQp

— Prolific News (@ProlificGlobal) August 16, 2021

اس حوالے سے سوالات پیدا ہوئے کہ کیا طالبان ان ہیلی کاپٹرز اور جنگی طیاروں کو اڑانا بھی جانتے ہیں۔ تو ایک ویڈیو سامنے آگئی جس میں طالبان اسلحے کے ساتھ جنگجو ہیلی کاپٹر میں سفر کررہے ہیں۔

NEW 🚨 Taliban with weapons taking a helicopter ride reportedly over Herat, Afghanistan pic.twitter.com/oZM8k17WkM

— Insider Paper (@TheInsiderPaper) August 16, 2021