کئی ماہ بعد کورونا کا پہلا کیس سامنے آنے پر نیوزی لینڈ میں 3 روزہ لاک ڈاؤن

آکلینڈ کے ایک شہری میں کورونا کی تصدیق ہوئی ہے

ویب ڈیسک August 17, 2021

بدھ، جمعرات اور جمعے کو تمام اسکول اور دفاتر بند رہیں گے، فوٹو: فائل

ISLAMABAD: نیوزی لینڈ میں کورونا وبا کے پھیلاؤ کو روکنے کے لیے 18 جولائی سے تین روز کے لیے لاک ڈاؤن کا اعلان کیا گیا ہے۔

عالمی خبر رساں ادارے کے مطابق نیوزی لینڈ میں کورونا وبا پر کافی حد تک قابو پالیا گیا تھا تاہم آکلینڈ میں کورونا وائرس کے ایک مریض کی تشخیص کے بعد ہنگامی فیصلے کیے گئے جن کے تحت 18 جولائی سے پورے ملک میں 3 روزہ لاک ڈاؤن کا اعلان کیا گیا ہے۔

لاک ڈاؤن کا اعلان کرتے ہوئے وزیراعظم جیسینڈا آرڈرن کا کہنا تھا کہ لاک ڈاؤن کے دوران تمام کاروباری مراکز، تعلیمی ادارے اور دفاتر بند رہیں گے۔ صرف ہنگامی صورتحال سے نمٹنے والے ادارے معمول کے مطابق کام جاری رکھیں گے۔

ادھر نیوزی لینڈ کی وزارت صحت کے حکام کا کہنا ہے کہ کورونا کا نیا مریض ڈیلٹا وائرس کا شکار ہو سکتا ہے۔ ویرینٹ کی قسم جاننے کے لیے ٹیسٹ کیا جائے گا۔

نیوزی لینڈ میں ایک بار پھر لاک ڈاؤن کے اعلان کے بعد ملکی کرنسی کی قدر میں کمی دیکھی گئی ہے۔