ایل پی جی 10 روپے فی کلو سستی

ایل پی جی کا گھریلو سلنڈر120روپے اور کمرشل سلنڈر 480 روپے سستا ہو گیا. فوٹو: فائل

---

ایل پی جی مارکیٹنگ کمپنیوں نے ملک میں مائع پٹرولیم گیس کی قیمت میں 10روپے فی کلو گرام کے حساب سے کمی کردی ہے جس کے بعد ایل پی جی کا گھریلو سلنڈر120روپے اور کمرشل سلنڈر 480 روپے سستا ہو گیا ہے۔

تفصیلات کے مطابق ایل پی جی کی نئی قیمت لاہور، راولپنڈی ، اسلام آباد، کراچی اور تمام بڑے شہروں میں 115روپے فی کلو اور مری، گلگت بلتستان ، فاٹا، ناران، کاغان ، آزاد کشمیراور دیگر پہاڑی علاقوں میں 125روپے فی کلو ہو گئی ہے۔