کنگنا رناوت کا انسٹاگرام اکاؤنٹ ہیک طالبان سے متعلق تمام اسٹوریز غائب

بالی ووڈ اداکارہ کنگنا رناوت نے دعویٰ کیا ہے کہ ان کا انسٹاگرام اکاؤنٹ ہیک کیا گیا اور طالبان سے متعلق تمام اسٹوریز غائب ہو گئیں۔

انسٹاگرام اسٹوری کے ذریعے اداکارہ کنگنا رناوت نے بتایا کہ گزشتہ رات مجھے انسٹاگرام پر اس وقت الرٹ موصول ہوا جب چین سے کسی نے میرا اکاؤنٹ ہیک کرنے کی کوشش کی تاہم وہ الرٹ فوری غائب ہوگیا۔

یہ بھی پڑھیں: کنگنا رناوت مسلمان لڑکے کی محبت میں گرفتار


اداکارہ نے بتایا کہ آج صبح دیکھا تو طالبان سے متعلق میری تمام اسٹوریز غائب تھیں۔ میرا اکاؤنٹ ڈس ایبل کیا گیا تھا۔ اب جب دوبارہ اکاؤنٹ تک رسائی حاصل کرلی ہے تو کچھ بھی لکھنے پر اکاؤنٹ بار بار لاگ آؤٹ ہو جاتا ہے۔ میں نے یہ اسٹوری اپنی بہن کے موبائل پر پہلے سے لاگ ان اپنے انسٹاگرام اکاؤنٹ سے لگائی ہے۔

کنگنا رناوت نے کہا کہ 'یہ ایک بہت بڑی عالمی سازش ہے۔۔۔ ناقابل یقین۔'