جلال آباد میں افغان جھنڈا اتار کر طالبان کا پرچم لگانے پر جھگڑا 3 افراد ہلاک

جلال آباد میں قومی جھنڈا اتارنے پر جھگڑا ہوا، فوٹو: ٹوئٹر

---

افغانستان کے شہر جلال آباد میں طالبان کی جانب سے افغان جھنڈے اتارنے کے خلاف شہریوں نے احتجاجی مظاہرہ کیا جس کے دوران ہونے والی جھڑپ میں 3 افراد مارے گئے جب کہ 26 زخمی ہیں۔

عالمی خبر رساں ادارے کے مطابق طالبان نے افغانستان کا کنٹرول سنبھالنے کے بعد سرکاری عمارتوں سمیت اہم مقامات پر سے افغانستان کا قومی جھنڈا اتار کر امارات اسلامی کا سفید پرچم لہرا دیا۔

جلال آباد میں بھی طالبان قومی جھنڈا اتار کر اپنا پرچم لگا رہے تھے تاہم شہریوں کی جانب سے مزاحمت دیکھنے میں آئی۔ شہریوں نے قومی جھنڈا اتارنے کے خلاف شدید احتجاج کیا۔

The Taliban open fire on protestors in Jalalabad in #Afghanistan . The protestors were raising the Afghanistan flag which triggered the violent response. pic.twitter.com/avhJOPPHHr

— Sudhir Chaudhary (@sudhirchaudhary) August 18, 2021

طالبان اور مظاہرین کے درمیان تلخ کلامی کے بعد جھگڑا ہوگیا اور اس دوران طالبان کی فائرنگ سے 3 شہری ہلاک اور 26 زخمی ہوگئے۔ اس واقعے کے بعد جلال آباد کی سڑکوں پر سیکڑوں افراد جمع ہوگئے اور احتجاج کیا۔

Today Afghanistan
🇦🇫❤️#Afghanistan pic.twitter.com/JVNR57fZil

— Ihtesham Afghan (@IhteshamAfghan) August 18, 2021

ادھر طالبان کے سیاسی دفتر کے رکن انس حقانی کی سربراہی میں طالبان کے وفد نے افغانستان کی قومی مصالحتی کمیشن کے سربراہ عبداللہ عبداللہ کے گھر پر سابق صدر حامد کرزئی سے اہم ملاقات کی۔ جس کے دوران افغانستان کی موجود صورت حال اور عبوی حکومت کے قیام پر تبادلہ خیال کیا گیا۔

Footage purportedly showing Taliban fighters beating Afghans who worked as interpreters for international forces. #Afghanistan https://t.co/Q3mG2RRFgs

— Frud Bezhan فرود بيژن (@FrudBezhan) August 18, 2021

اس اہم ملاقات سے متعلق تفصیلات فراہم نہیں کی گئی ہیں تاہم طالبان کے برتاؤ اور رویے میں لچک کو دیکھتے ہوئے کہا جا رہا ہے کہ سیاسی مفاہمتی عمل کے مثبت نتائج سامنے آئیں گے اور افغانستان میں قیام امن کا خواب پورا ہوسکے گا۔