کوہلی سب سے زیادہ بدزبان کرکٹرقرار

کوہلی فیلڈنگ کرتے ہوئے مجھ پر سنگین زبانی حملے کرتے رہے تھے، نک ۔ فوٹو : فائل

---

سابق انگلش بیٹسمین نک کامپٹن نے بھارتی کپتان ویرات کوہلی کو سب سے بدزبان قرار دے دیا۔

سابق انگلش بیٹسمین کا کہنا ہے کہ جو روٹ، سچن ٹنڈولکر اور کین ولیمسن بھی برابر کی سطح کے ہیں، 16 ٹیسٹ میں 775 رنز بنانے والے 38 سالہ نک نے ٹویٹ میں بھارت میں منعقدہ 2012 ٹیسٹ سیریز کا حوالہ دیتے ہوئے کہا کہ میں اس موقع پر کوہلی کی بدزبانی کو کبھی بھول نہیں سکتا۔

انہوں نے کہا کہ پوائنٹ پوزیشن پر فیلڈنگ کرتے ہوئے مجھ پر سنگین زبانی حملے کرتے رہے تھے، کوہلی حالیہ سیریز کے لارڈز ٹیسٹ میں بھی انگلش پیسر جیمز اینڈرسن سے الجھتے رہے۔