ٹیلی ویژن کے مقابلے میں فلم مشکل شعبہ ہے زیبا بختیار

KARACHI:
اداکارہ زیبا بختیار نے کہا ہے ٹی وی کے مقابلہ میں فلم مشکل شعبہ ہے ۔ یہ بات انھوں نے ایک انٹرویو کے دوران کہی ۔زیبا بختیار کا کہنا تھا کہ ٹیلی ویژن سے بہت سے لوگوں کو سیکھنے کا موقع ملا۔

پاکستانی ٹی وی ڈرامے عالمی معیار کے مطابق ہیں جو دنیا بھر میں پسند کیے جاتے ہیں ۔ٹیلی ویژن کے شعبہ بہت اچھے رائٹر موجود ہیں جو اچھے موضوعات کی تلاش میں مصروف رہتے ہیں یہی وجہ ہے موضوع کے اعتبار ہمارے ڈرامے ایک منفرد مقام رکھتے ہیں پاکستان میں بے پناہ ٹیلنٹ موجود ہے جو چند سالوں کے دوران سامنے آیا ہے اب جب کہ پاکستان میں فلموں کی آغاز ہوچکا ہے۔




امید ہے اچھے موضوعات کی وجہ سے ہماری فلمیں ایک بار پھر کامیابی حاصل کریں گی۔انھوں نے کہا کہ میری فلم آپریشن 021میں پاکستانی فلموں میں ایک اچھا اضافہ ثابت ہوگی جو جلد نمائش کے لیے پیش کردی جائے گی، ہمیں ضرورت اس بات کی ہے فلم انڈسٹری کی بحالی کے بعد اب بہتر اور اچھے موضوعات پر توجہ دینا ہوگی۔