دپیکا نے فلم ’بیجو باورا‘ کی آفر کیوں ٹھکرا دی اصل وجہ سامنے آگئی

فلم ساز کی خواہش تھی کہ دپیکا پڈوکون اور رنویر سنگھ فلم میں ایک ساتھ کام کریں

ویب ڈیسک August 19, 2021

فلم ساز کی خواہش تھی کہ دپیکا پڈوکون اور رنویر سنگھ فلم میں ایک ساتھ کام کریں (فائل فوٹو)

بالی ووڈ اداکارہ دپیکا پڈوکون کی جانب سے سنجے لیلا بھنسالی کی فلم 'بیجو باورا' کی آفر ٹھکرانے کی اصل وجہ سامنے آگئی ہے۔

رواں ماہ یہ خبر آئی تھی کہ اداکارہ دپیکا پڈوکون بھارتی فلم ساز سنجے لیلا بھنسالی کی فلم 'بیجو باورا' کا حصہ نہیں ہوں گی تاہم فلم ساز کی خواہش تھی کہ دپیکا پڈوکون اور ان کے شوہر اداکار رنویر سنگھ دونوں اس فلم میں ساتھ کام کریں۔

بالی ووڈ ہنگامہ ویب سائٹ نے دعویٰ کیا ہے کہ دپیکا پڈوکون نے فلم 'بیجو باورا' کم معاوضے کی پیشکش کے سبب ٹھکرائی، اداکارہ نے رنویر سنگھ سے کم معاوضہ ملنے پر اعتراض اٹھایا تھا۔

ذرائع کے مطابق دپیکا پڈوکون نے لگ بھگ 20 سے 25 کروڑ روپے معاوضے کا مطالبہ کیا تھا۔ اداکارہ کا کہنا تھا کہ انہیں رنویر سنگھ سے کم اور نہ ہی زیادہ معاوضہ چاہیے۔

ذرائع نے بالی ووڈ ہنگامہ کو بتایا کہ دپیکا پڈوکون کی متعدد فلمیں ہٹ ہوئی ہیں اور یہی وجہ ہے کہ وہ اب کم معاوضے کی پیشکش کو پسند نہیں کرتیں۔ فلم کے بجٹ اور پیمانے کو دیکھتے ہوئے اس بات کا زیادہ امکان نہیں تھا کہ دپیکا کو اس حد تک معاوضہ ملے گا اور اسی وجہ سے اداکارہ کو اس فلم سے الگ ہونا پڑا۔