وزیراعظم پارلیمانی لیڈروں کو اعتماد میں لیں عمران

آپریشن سے پہلے ان قوتوں سے گفتگو کریں جوبات کرنا چاہتی ہیں، کل تک میں گفتگو

Monitoring Desk January 28, 2014

مذاکرات کے بغیر ہم جنگ کرنے جا رہے ہیں، ہم پاکستان اور عوام کی بہتری کیساتھ ہیں۔ فوٹو: فائل

تحریک انصاف کے چیئرمین عمران خان نے کہا ہے کہ مذاکرات کے بغیر ہم جنگ کرنے جا رہے ہیں، ہم پاکستان اور عوام کی بہتری کیساتھ ہیں۔

حکومت پارلیمانی لیڈروں کو اعتماد میں لے اور دلیل دیکر بتائے کہ آپریشن کے بعد امن ہو جائیگا اگر آپریشن ہی اس مسئلے کا حل ہوتا تو نوسال میں حل کیوں نہیں ہوا، مجھے وزیراعظم بنا دیں مذاکرات کا مسئلہ حل کر کے دکھا دونگا۔

photo 6_zpse1d21ecc.jpg

ایکسپریس نیوز کے پروگرام ''کل تک'' میں میزبان جاوید چوہدری سے گفتگو میں انھوں نے کہا کہ امن کیلیے جنگ یا مذاکرات پر ڈبیٹ ہو سکتی ہے، جنگ تو کسی بھی مسئلے کا آخری حل ہے۔ ابھی ہم نے مذاکرات کیے بھی نہیں اور جنگ کا فیصلہ ہو رہا ہے۔ انھوں نے کہا کہ پشاور میں سیکیورٹی کا مسئلہ بہت سنجیدہ ہے، ہم نے انسداد پولیو مہم کے لیے بہترین سیکیورٹی پلان بنایا ہے۔