وزارت اطلاعات کا مرزا غالب اور مغل بادشاد بابر پر ڈرامہ بنانے کا اعلان

پی ٹی وی کے بعد اب پی ٹی وی اسپورٹ اور انٹرٹینمنٹ کی بہتری کے لیے کام جاری ہے، وزیر اطلاعات (فوٹو: فائل)

---

اسلام آبا د: وزارت اطلاعات و نشریات نے مرزا غالب اور مغل بادشاہ بابر پر ڈرامہ بنانے کا اعلان کر دیا ہے۔

وفاقی وزیر اطلاعات فواد چوہدری نے مائیکرو بلاگنگ ویب سائٹ ٹوئٹر پر اپنے بیان میں کہا ہے کہ پی ٹی وی نیوز کے بعد اب پی ٹی وی اسپورٹ اور انٹرٹینمنٹ کی بہتری کے لیے کام جاری ہے۔

فواد چوہدری نے اعلان کیا ہے کہ پی ٹی وی اردو زبان کے بڑے شاعر مرزا غالب اور مغل بادشاہ بابر پر ازبکستان کی شراکت داری میں ڈرامہ سیزیز بنائے گا، اس سلسلے میں ابتدائی تیاریاں شروع کر دی گئی ہیں۔

پاکستان ٹیلی ویژن نیوز کے بعد اب PTV sports اور اینٹرٹینمنٹ کو Revamp کر رہے ہیں PTV بابر اور غالب پر ازبکستان اور پاکستان میں شراکت داری میں طویل ڈرامہ سیریز بنائے گا اس سلسلے میں ابتدائ تیاریاں شروع کر دی گئ ہیں

- Ch Fawad Hussain (@fawadchaudhry) August 25, 2021

خیال رہے کہ پاکستان اور ترکی نے مسلمان ہیرو صلاح الدین ایوبی کی زندگی پر مشترکہ کوششوں کے تحت ڈرامہ سیریز بنانے کا اعلان کر رکھا ہے۔ اس ضمن میں ترک پروڈکشن ہاؤس اکلی فلمز اور پاکستانی ادارے انصاری اینڈ شاہ فلمز کے درمیان ترکی میں معاہدہ طے پاگیا۔

ترک پروڈیوسر ایمرے کونک نے ٹویٹر پر پوسٹ میں معاہدے کی تصدیق کی اور منصوبے کے لیے نیک خواہشات کا اظہار کرتے ہوئے کہا کہ یہ سیریز دونوں ممالک اور آرٹ کی دنیا کے لیے مفید ثابت ہوگی۔

Kutlu bir cuma akşamında mutlu bir haber! Akli Film ve Ansari Shah Film arasında "Sultan Selahaddin Eyyübi" dizi projesi için anlaşma imzalandı. Türkiye ve Pakistan işbirliği ile hazırlanacak uluslararası proje ülkemize ve sanat dünyamıza hayırlı olsun. #SelahaddinEyyübi pic.twitter.com/3MVOlDjVE4

- Emre KONUK (@emrekonukk) August 20, 2021