روحانی دوست

علمِ الاعداد سے نمبر معلوم کرنے کا طریقہ

---

صائم المصطفے صائم
واٹس اپ(03338818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ:
دو طریقے ہیں اور دونوں طریقوں کے نمبر اہم ہیں، اول تاریخ پیدائش دوم نام سے!

اول طریقہ تاریخ پیدائش
مثلًا احسن کی تاریخ پیدائش 12۔7۔1990 ہے، ان تمام اعداد کو مفرد کیجیے۔
1+2+7+1+9+9=29=2+9=11=1+1=2۔ گویا تاریخ پیدائش سے احسن کا نمبر 2 نکلا۔

اور طریقہ دوم میں:
سائل، سائل کی والدہ اور سائل کے والد ان کے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد''

حروفِ ابجد کے نمبرز کی ترتیب یوں ہے:
1 کے حروف (ا،ی،ق،غ) 2 کے حروف (ب،ک،ر) 3 کے حروف (ج،ل،ش)
4 کے حروف (د،م،ت) 5 کے حروف (ہ،ن،ث) 6 کے حروف (و،س،خ)
7 کے حروف (ز،ع،ذ) 8 کے حروف (ح،ف،ض) 9 کے حروف (ط،ص، ظ)
احسن کے نمبر (1،8،6،5) تمام نمبروں کو مفرد کردیں:
(1+8+6+5=20=2+0= 2 گویا احسن کا نمبر2 ہے۔
ایسے ہی احسن کی والدہ ''شمسہ ''کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا۔
(2+9+1=12=1+2=3)
گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ
سوموار30 اگست 2021
آج کا حاکم نمبر 9 ہے
کچھ مشقتوں کے ساتھ کام یابی مل سکتی ہے اور مزاج میں گرمی ہوسکتی ہے ممکن ہے یہ آپ کا امتحان ہو۔
1،2،3،5،6،اور7کے لیے بہتر ہوسکتا ہے۔
4،8 اور 9 نمبر والوں کے لیے اہم اور کچھ مشکل بھی ہوسکتا ہے۔
صدقہ: 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِ صدقہ دینا ایک بہتر عمل ہوگا۔
وظیفۂ خاص ''یارحیم یا رحمٰن یا اللہ'' 11 بار یا 200 بار اول وآخر 11 بار درودشریف پڑھنا بہتر ہوگا۔

منگل 31 اگست 2021
آج کا حاکم نمبر8 ہے۔
سستی لانے والا، صبر سکھانے والا اور رکاوٹ لانے والا دن ہوسکتا ہے۔
اپنے امورِزندگی میں پہلے سے زیادہ محتاط ہونے کی ضرورت پڑسکتی ہے۔
2،3،4،6،7اور8 نمبر والوں کے لیے آج کا دن کافی حد تک بہتری لائے گا۔
1،5 اور9 نمبر والوں کے لیے کچھ مشکل ہوسکتی ہے۔
صدقہ: 90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذورسیکیوریٹی سے منسلک فرد یا اس کی فیملی کو دینا بہتر عمل ہوگا۔
وظیفۂ خاص''یاغفار، یاستار، استغفراللہ العظیم'' 9 یا 90 بار اول وآخر11 بار درود شریف پڑھنا بہتر ہوگا۔

بدھ 1ستمبر 2021
آج کا حاکم نمبر2 ہے۔
ستمبر کی ابتدا ایک اچھے دن سے ہورہی ہے، رابطے اور بڑھیں گے اور ممکن ہے نیٹ یا موبائل اور لیپ ٹاپ سے منسلک کوئی اور ایجاد سامنے آجائے۔
1،3،4،5،8 اور9 نمبر والوں کے لیے آج دن کافی بہتر ہوسکتا ہے۔
2، 6اور7 نمبر والوں کو کچھ معاملات میں رکاوٹ اور پریشانی کا اندیشہ ہے۔
صدقہ: زرد رنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے، تایا، چاچا، پھوپھی کی خدمت بھی صدقہ ہے۔
وظیفۂ خاص''یاخبیرُ، یاوکیلُ یااللہ'' 41 بار اول و آخر 11 باردرودشریف پڑھنا مناسب عمل ہوگا۔

جمعرات 2ستمبر 2021
آج کا حاکم نمبر 1 ہے۔
انا کی دم پر پاؤں رکھ کے آگے بڑھنے کا دن، ایک کا عدد کبھی کبھی تکبر کی سمت لے جاتا ہے۔
1،2،4،5،6،اور9 نمبر والوں کے لیے آج کا دن کافی بہتر رہنے کی امید ہے۔
3،7اور8 نمبر والوں کو کچھ مشکل ہوسکتی ہے۔
صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے، مسجد کے پیش امام کی خدمت بھی احسن صدقہ ہے۔
وظیفۂ خاص''سورۂ فاتحہ 7 بار یا یا قدوس، یاوھابُ، یااللہ'' 21 بار اول و آخر 11 بار درودشریف پڑھنا بہتر عمل ہوگا۔

جمعہ 3ستمبر 2021
آج کا حاکم نمبر5 ہے۔
سفر اور رابطوں کے لیے بہتر دن، بہترکیا ہے اپنے اندر کا سفر یا دکھائی دیتی دنیا کا سفر، اس کا فیصلہ آپ کو خود کرنا ہے۔
1،2،5،6،7اور9 نمبر والوں کے لیے آج کا دن بہتر ہونے کی امید ہے۔
3،4 اور8 نمبر والوں کو محتاط رہنے کا مشورہ ہے۔
صدقہ:60 یا 600 روپے یا 600 گرام یا6 کلو چینی۔ سوجی یا کوئی جنس کسی بیوہ کو دینا بہترین عمل ہوسکتا ہے۔
وظیفۂ خاص''سورۂ کہف یا یاودود، یامعید، یااللہ'' 11 بار ورد کرنا بہتر ہوگا۔

ہفتہ 4 ستمبر 2021
آج کا حاکم نمبر 8 ہے
مکان یا ایسا کوئی بھی کام جسے آپ تاحیات ساتھ رکھنا چاہتے ہیں شروع کرسکتے ہیں، سست ہوسکتا ہے، لیکن مستقل ضرور ہوگا۔
2،3،4،6،7اور8 نمبر والوں کے لیے کسی حد تک بہتری کی امید ہے۔
1،5اور9 نمبر والوں کو کچھ امور میں مشکل ہوسکتی ہے۔
صدقہ: 80 یا800 روپے یا کالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذور یا عمررسیدہ مستحق فرد کو دینا بہتر عمل ہوسکتا ہے۔
وظیفۂ خاص''یافتاح، یاوھابُ، یارزاق، یااللہ'' 80 بار اول و آخر 11 بار درود شریف کا ورد بہتر عمل ہوگا۔

اتوار5 ستمبر 2021
آج کا حاکم نمبر2 ہے۔
''جفت'' ہونے کا دن ہوسکتا ہے رشتوں سے خوشی ملنے کی امید ہے۔
1،3،4،5،8اور9نمبر والوں کے لیے ایک بہتر دن کی امید ہے۔
2،6 اور7نمبر والوں کو مشکل ہوسکتی ہے۔
صدقہ: 13ْ یا 100 روپے یا سنہری رنگ کی چیزیں گندم، پھل، کپڑے، کتابیں دینا یا کسی باپ کی عمر کے فرد کی خدمت کرنا بہتر ہوگا۔
وظیفۂ خاص''یاحی یاقیوم، یااللہ'' 13 یا 100 بار اول و آخر 11 بار درودشریف پڑھنا مناسب عمل ہوگا