طالبان کی عوام کو ایک ہفتے میں سرکاری املاک اور ہتھیار جمع کرانے کی ہدایت

طالبان نے کابل ایئرپورٹ کے کچھ حصوں کا کنٹرول بھی سنبھال لیا ہے فوٹو: فائل

---

افغان طالبان کے ترجمان ذبیح اللہ مجاہد نے کہا ہے کہ کابل کے عوام سرکاری مکان، گاڑیاں اور ہتھیار واپس کریں ورنہ ان کے خلاف کارروائی ہوگی۔

طالبان کے ترجمان ذبیح اللہ مجاہد نے کابل کے باشندوں کو ہدایت کی ہے کہ وہ ایک ہفتے کے اندر سرکاری گاڑیاں ، ہتھیار ، گولہ بارود اور دیگر سرکاری اشیاء طالبان سے وابستہ افراد کے حوالے کردیں۔ مقررہ وقت گزرنے کے بعد اگر لوگوں سے یہ چیزیں برآمد ہوئیں تو ان کے خلاف کارروائی عمل میں آئے گی۔

ذبیح الله مجاهد، سخنگوی طالبان، از باشندگان کابل که وسایط، اسلحه، مهمات و دیگر اجناس دولتی را با خود برده خواسته تا در یک هفته این تجهیرات را به رضایت خود به اورگان‌های مربوطه طالبان تسلیم کنند.

مجاهد افزوده که در صورت کشف آن با متخلفین برخورد قانونی صورت میگیرد.#ArianaNews pic.twitter.com/1iZkKnqntn

— Ariana News (@ArianaNews_) August 28, 2021

دوسری جانب برطانوی نشریاتی ادارے سے خصوصی گفتگو کے دوران طالبان کے ایک اور ترجمان ترجمان قاری محمد یوسف احمدی نے کہا ہے کہ خواتین کے حوالے سے ہمارا موقف واضح ہے۔ افغانستان کی پبلک ہیلتھ وزارت نے کابل سمیت ملک بھر میں ان تمام خواتین کو ڈیوٹی پر واپس آنے کا کہا ہے جو صحت کے شعبے میں کام کر رہی تھیں۔

واضح رہے کہ طالبان نے امریکا سمیت تمام غیر ملکی فوجیوں کے انخلا کے لیے 31 اگست کی ڈیڈ لائن دی ہے۔