’پردیسی پردیسی جانا نہیں‘ گانے پرعدنان صدیقی کی بانسری بجانے کی وڈیوکی خوب واہ واہ

مداحوں کوعدنان صدیقی کی یہ وڈیو بے حد پسند آرہی ہے ۔ فوٹو: فائل

---

اداکارعدنان صدیقی نے ایک بارپھر 'پردیسی پردیسی جانا نہیں' گانے پر بانسری بجاکرخوب داد وصول کی۔

مایہ نازاداکارعدنان صدیقی جتنی اچھی اداکاری کرتے ہیں اتنی ہی اچھی بانسری بجانا بھی جانتے ہیں۔ اس سے قبل بھی وہ کافی سارے پرانے گانوں پربانسری بجا کرمداحوں سے داد حاصل کرچکے ہیں اور اب ایک بارپھراداکار کی خوب واہ واہ ہورہی ہے۔

اس خبر کو بھی پڑھیں؛ فلیوٹ کے بعد عدنان صدیقی کی پیانو بجانے کی وڈیو وائرل

اداکارنے اپنے انسٹا گرام پرایک وڈیواپ لوڈ کی جس میں ان کا بھتیجا بالی ووڈ فلم 'راجا ہندوستانی' کے معروف گانے 'پردیسی پردیسی جانا نہیں' گارہا ہے جس پراداکاربیک گراؤنڈ پربانسری بجا رہے ہیں۔

[instagram-post url="https://www.instagram.com/p/CTKSctXqE6c/"]

مداحوں کوعدنان صدیقی کی یہ وڈیو بے حد پسند آرہی ہے جب کہ عدنان صدیقی نے وڈیو کے کیپشن میں خود بھی لکھا کہ وہ اس سے بہترسرگرمی کی خواہش نہیں مانگ سکتے تھے۔