امریکا نے انخلا سے قبل افغانستان میں موجود طیاروں کو ناکارہ بنادیا

امریکی افواج نے 70 مسلح گاڑیوں راکٹ حملوں سے بچنے کے لیے موجود دفاعی نظام کو بھی مکمل ناکارہ کردیا

---

امریکی افواج نے افغانستان چھوڑنے سے قبل وہاں موجود امریکی طیاروں، مسلح گاڑیوں اور دیگر فوجی آلات کو ناکارہ بنادیا۔

گزشتہ روز امریکی افواج نے 20 سال بعد افغانستان سے انخلا مکمل کیا، کابل ائیرپورٹ سے آخری امریکی طیارہ فوجیوں کو لیکر امریکا کے لیے روانہ ہوگیا جس کے بعد کابل ائیرپورٹ کا کنٹرول بھی طالبان نے سنبھال لیا ہے تاہم جانے سے قبل امریکی فوج نے اپنے زیر استعمال رہنے والے فوجی طیاروں، گاڑیوں اور دیگر فوجی سازوسامان کو مکمل ناکارہ بنادیا۔

https://twitter.com/nabihbulos/status/1432596730281857024

امریکی کمانڈر جنرل کینتھ میکنزی کے مطابق کابل چھوڑنے سے پہلے امریکی افواج نے تقریبا 73 کے قریب طیارے اور 70 مسلح گاڑیوں کو ناکارہ بنادیا ہے جس کے بعد اب ان طیاروں کو نہ کبھی اڑایا جاسکے گا اور نہ ہی ان گاڑیوں کو کبھی استعمال کیا جاسکتا۔

امریکی کمانڈر کا کہنا تھا کہ کابل ائیرپورٹ پر موجود راکٹ حملوں سے بچنے کے لیے موجود دفاعی نظام کو بھی مکمل ناکارہ کردیا گیا ہے، اس نظام کو ختم کرنے میں وقت درکار تھا لہذا اس کو ناکارہ کردیا گیا ہے تاکہ کوئی استعمال نہ کرسکے۔