کابل میں رہ جانے والے امریکیوں کو طالبان نے ایئرپورٹ جانے سے روک دیا

100 سے 250 شہری کابل میں ہی رہ گئے، فوٹو: فائل

---

امریکی فوج کے مکمل انخلا کے باوجود کچھ امریکی شہری کابل میں رہ گئے جنھیں طالبان نے ایئرپورٹ میں داخل ہونے سے روک دیا تھا۔

عالمی خبر رساں ادارے کے مطابق امریکا کی آخری پرواز میں تمام فوجی افغانستان سے اپنے وطن روانہ ہوگئے تاہم اب بھی کئی امریکی شہری اور امریکی دستاویز رکھنے والے افغان باشندے کابل میں موجود ہیں اور ایئرپورٹ میں داخل ہونے کی کوشش کر رہے ہیں۔

یہ خبر پڑھیں : امریکا نے انخلا سے قبل افغانستان میں موجود طیاروں کو ناکارہ بنادیا

امریکی افواج کے سربراہ جنرل میک کینزی نے بھی 100 سے 250 امریکی اور افغان باشندوں کی کابل میں رہ جانے کی تصدیق کرتے ہوئے کہا ہے کہ یہ افراد یا تو ایئرپورٹ تک ہی نہیں پہنچ سکے یا پھر ایئرپورٹ میں داخل ہونے کے باوجود طیارے تک وقت مقررہ پر نہیں پہنچ سکے تھے۔

.@CENTCOM's McKenzie confirms some Americans and eligible Afghans were not able to get to the airport in time to get aboard the final flights out.

U.S. retained ability to bring them in, "But were not able to bring any Americans out." "None of them made it to the airport."

— Paul D. Shinkman (@PDShinkman) August 30, 2021

دوسری جانب سوشل میڈیا پر امریکی فوج کے ایک اہلکار الیکس پلٹساس کا ٹویٹ میں کہنا تھا کہ طالبان نے آخری وقت میں بہت سے لوگوں کو آنے نہیں دیا تاہم انھوں نے تصدیق کہ وہ پیچھے رہ جانے والوں میں بہت سے لوگوں کے ساتھ رابطے میں تھے۔

یہ خبر بھی پڑھیں : کابل چھوڑنے والے آخری امریکی فوجی کی تاریخ ساز تصویر

امریکی فوجی اہلکار نے شکوہ کیا کہ آخری لمحات میں طالبان کے ساتھ ربط قائم کرنا ناممکن ہو گیا تھا اور طالبان ہوائی اڈے کے مرکزی دروازے کے باہر تعاون کرنے پر بھی راضی نہیں تھے۔

https://twitter.com/alexplitsas/status/1432530128840626178?s=20

امریکی اہلکار نے مزید کہا کہ اب بھی انخلا کے خواہش مند افراد رابطہ کر رہے ہیں لیکن جو لوگ امریکی حکام کے ساتھ رجسٹر نہیں ہم انھیں نہیں بچا سکتے۔

واضح رہے کہ امریکا کی آخری پرواز کابل ایئرپورٹ سے روانہ ہوگئی جس کے بعد امریکی فوج کے افغانستان سے انخلا کا عمل مکمل ہوگیا اور اب ملک میں مکمل طور پر طالبان کا کنٹرول ہے۔