دوستی سے انکار پر خواجہ سرا کو دھمکی دینے والا ملزم گرفتار

ملزم عبدالوقاص ٹرانسجینڈر سے دوستی کرنا چاہتا تھا تاہم انکار پر دھمکیاں دیتا تھا، پولیس۔ فوٹو : فائل

---

PESHAWAR: پولیس نے کارروائی کے دوران ٹرانس جینڈر کو ہراساں اور دھمکیاں دینے والے ملزم کو گرفتار کرلیا۔

ترجمان راولپنڈی پولیس کے مطابق کھلی کچہری کے دوران پولیس نے ٹرانس جینڈر کی درخواست پر دھمکیاں دینے اور ہراساں کرنے والے ملزم کی فوری گرفتاری کا حکم دیا جس پر ایس ایچ او ائیر پورٹ نے مقدمہ درج کر کے ملزم عبد الوقاص کو ٹریس کرکے گرفتار کرلیا۔ پولیس کے مطابق ملزم عبدالوقاص ٹرانسجینڈر سے دوستی کرنا چاہتا تھا تاہم انکار پر دھمکیاں دیتا تھا۔

سی پی او کے مطابق راولپنڈی پولیس معاشرہ کے محروم طبقات کی حفاظت کے لیے پر عزم ہے، ٹرانس جینڈرز سمیت تمام کمزور اور محروم طبقات کے حقوق کا تحفظ اولین ترجیح ہے، اس کے علاوہ راولپنڈی پولیس نے ٹرانسجینڈرز کے حقوق کے تحفظ کے لئے تحفظ ٹرانسجینڈر رپورٹنگ سینٹر و خدمت مرکز بھی قائم کیا ہے جو ٹرانسجینڈرز کے تحفظ کے لئے مصروف عمل ہے۔