راولپنڈی طالبہ زیادتی کیس کیلیے جے آئی ٹی تشکیل تفتیش شروع

دینی مدرسہ کی16 سالہ طالبہ سے مبینہ زیادتی کیس کی شفاف انکوائری کیلیے باقاعدہ 6 رکنی جوائنٹ انوسٹی گیشن ٹیم بنا دی گئی۔

سول جج نوشین زرتاج کے حکم پر پولیس نے تھانہ پیرودھائی کے دینی مدرسہ کی16 سالہ طالبہ سے مبینہ زیادتی کیس کی شفاف انکوائری کیلیے باقاعدہ 6 رکنی جوائنٹ انوسٹی گیشن ٹیم بنا دی۔


سربراہ ایس ایس پی انوسٹی گیشن ہوں گے ممبران میں خاتون ایس پی ہیڈ کوارٹر زنیرہ اظفر،ایس پی رورل ضیا الدین احمد، ڈی ایس پی سٹی عصر علی، ایس ایچ او تھانہ پیرودھائی اویس اور تفتیشی آفیسر سب انسپکٹر اسلم شامل ہیں۔

جے آئی ٹی نے ملزمان مہتم مدرسہ مفتی شاہ نواز، شریک ملزمہ ٹیچر عشرت بی بی اور متاثرہ طالبہ کو طلب کر کے تفتیش کی۔ملزم مفتی شاہ نواز کا ڈی این اے ٹیسٹ، پولی گرافک ٹیسٹ اور پوٹینسی ٹیسٹ کرانے کی بھی منظوری دی گئی۔

دریں اثنا تفتیش کا جائزہ لینے کے لیے سی پی او راولپنڈی احسن یونس کی سربراہی میں اجلاس ہوا۔