بیوی اورتین بچوں کو قتل کرنے والا ملزم گرفتار

گھریلو جھگڑوں سے تنگ آکر کلہاڑے کے وارکرکے بیوی اور بچوں کو قتل کیا، ملزم کا اعترافی بیان. فوٹو:فائل

---

KABUL: پولیس نے بیوی اور 3 بچوں کو قتل کرنے والا ملزم گرفتار کرلیا۔

پولیس حکام کے مطابق پنجاب کے ضلع وہاڑی کے شہر بورے والا میں قتل کی لرزہ خیز واردات کی سامنے آئی ہے، جہاں بے رحم شوہر نے اپنی بیوی اور تین بچوں کو بے دردی کے ساتھ قتل کردیا۔

پولیس نے بتایا کہ نواحی گاؤں 30 ڈبلیو بی میں بے رحم قاتل نے بیوی اور تینوں بچوں کو کلہاڑی کے وار کرکے قتل کیا، قتل ہونے والوں میں بیوی شہناز، 8 سالہ بیٹی سمیرا، 6 سالہ بیٹا زین اور 3 سالہ بیٹی شانزہ شامل ہیں۔ ملزم عمر کو پولیس نے گرفتار کے مقدمہ درج کرلیا ہے، اور ابتدائی تفتیش میں ملزم نے اعتراف جرم کرتے ہوئے بتایا ہے کہ اس نے گھریلو جھگڑوں سے تنگ آکر کلہاڑے کے وارکرکے بیوی اور بچوں کو قتل کیا۔