اداکارہ سائرہ بانو کی طبیعت ناساز آئی سی یو منتقل

بھارتی فلم انڈسٹری کی لیجنڈ اداکارہ سائرہ بانو کی طبیعت ناساز ہوگئی جس کے بعد انہیں آئی سی یو منتقل کیا گیا ہے۔

77 سالہ اداکارہ سائرہ بانو جنہوں نے حال ہی میں اپنے شوہر اور برصغیر کے لیجنڈ اداکار دلیپ کمار کو کھویا ہے ان کی بھی طبیعت ناساز ہوگئی ہے۔ بھارتی میڈیا کے مطابق سائرہ بانو کو ممبئی کے ہندوجا اسپتال منتقل کیاگیا ہے جہاں وہ انتہائی نگہداشت کے وارڈ (آئی سی یو) میں داخل ہیں۔

یہ بھی پڑھیں: دلیپ کمارانتقال کرگئے


سائرہ بانو کی طبیعت سے متعلق فی الحال زیادہ تفصیلات شیئر نہیں کی گئیں اور نہ ہی یہ بتایا گیا ہے کہ انہیں اچانک کیا ہوا ہے جس کی وجہ سے انہیں آئی سی یو میں داخل کیا گیا۔

یہ بھی پڑھیں: 'مالک میرے پیارے بھائی دلیپ کمار کو جنت نصیب کرے'، دھرمیندر

واضح رہے کہ برصغیر کے مایا ناز اداکار اور بالی ووڈ کے شہنشاہ جذبات دلیپ کمار کا 98 برس کی عمر میں 7 جولائی 2021 کو انتقال ہوگیا تھا۔ ان کی موت کی خبر نے پاکستان اور بھارت سمیت دنیا بھر میں موجود ان کے چاہنے والوں کو غمزدہ کردیا تھا۔ سائرہ بانو اپنے شوہر دلیپ کمار سے بے حد محبت کرتی تھیں اورآخری وقت تک ان کے ساتھ تھیں۔