آئندہ حکومت پیپلزپارٹی کی ہوگی بلاول بھٹو زرداری کا دعویٰ
ہماری جماعت نے ہمیشہ عوامی فلاح وبہبود کے لئے کام کیا ہے چیئرمین پیپلزپارٹی
عوام مہنگائی کے سونامی میں ڈوب رہے ہیں، بلاول بھٹو زرداری فوٹو: فائل
ISLAMABAD:
پاکستان پیپلز پارٹی کے چیئرمین بلاول بھٹو زرداری نے دعویٰ کیا ہے کہ آئندہ حکومت ہماری ہوگی۔
گھوٹکی میں تقریب سے خطاب کے دوران بلاول بھٹو زرداری نے کہا کہ ہم غریب عوام کی ترقی چاہتے ہیں، پیپلزپارٹی نے ہمیشہ عوامی فلاح وبہبود کے لئے کام کیا ہے، ہماری جدوجہدغربت کے خلاف ہے، آصف زرداری بےنظیر انکم سپورٹ پروگرام لائے، نواز شریف اورعمران خان بے نظیرانکم سپورٹ پروگرام کے مخالف تھے، مخالفین بےنظیر انکم سپورٹ پروگرام کا مذاق اڑاتے تھے لیکن دنیا نے بے نظیر انکم سپورٹ پروگرام کو سراہا۔
چیئرمین پیپلز پارٹی نے کہا کہ موجودہ حکومت نے کچھ نیا نہیں کیا صرف پیپلز پارٹی کی نقل کی ہے، آئندہ حکومت پیپلز پارٹی کی ہوگی اور ہم انکم سپورٹ پروگرام بہتر انداز میں چلائیں گے، ہم عورتوں کو معاشی اور سیاسی لحاظ سے طاقتور بنانا چاہتے ہیں، خواتین ترقی کریں گی تو پورا پاکستان ترقی کرے گا۔ وہ دن دور نہیں جب نثار کھوڑو اور مراد علی شاہ کی جگہ خواتین کام کریں گی۔
بلاول بھٹو زرداری نے کہا کہ موجودہ حکومت میں لوگ بےروزگاری اور مہنگائی کی وجہ سے مشکل میں ہیں، احساس کہنے والوں کو احساس ہی نہیں ہے، عوام مہنگائی کے سونامی میں ڈوب رہے ہیں، عمران خان نے 50 لاکھ گھر بنانے کا وعدہ کرکے الٹاغریبوں کے گھر گرادیئے گئے۔
پاکستان پیپلز پارٹی کے چیئرمین بلاول بھٹو زرداری نے دعویٰ کیا ہے کہ آئندہ حکومت ہماری ہوگی۔
گھوٹکی میں تقریب سے خطاب کے دوران بلاول بھٹو زرداری نے کہا کہ ہم غریب عوام کی ترقی چاہتے ہیں، پیپلزپارٹی نے ہمیشہ عوامی فلاح وبہبود کے لئے کام کیا ہے، ہماری جدوجہدغربت کے خلاف ہے، آصف زرداری بےنظیر انکم سپورٹ پروگرام لائے، نواز شریف اورعمران خان بے نظیرانکم سپورٹ پروگرام کے مخالف تھے، مخالفین بےنظیر انکم سپورٹ پروگرام کا مذاق اڑاتے تھے لیکن دنیا نے بے نظیر انکم سپورٹ پروگرام کو سراہا۔
چیئرمین پیپلز پارٹی نے کہا کہ موجودہ حکومت نے کچھ نیا نہیں کیا صرف پیپلز پارٹی کی نقل کی ہے، آئندہ حکومت پیپلز پارٹی کی ہوگی اور ہم انکم سپورٹ پروگرام بہتر انداز میں چلائیں گے، ہم عورتوں کو معاشی اور سیاسی لحاظ سے طاقتور بنانا چاہتے ہیں، خواتین ترقی کریں گی تو پورا پاکستان ترقی کرے گا۔ وہ دن دور نہیں جب نثار کھوڑو اور مراد علی شاہ کی جگہ خواتین کام کریں گی۔
بلاول بھٹو زرداری نے کہا کہ موجودہ حکومت میں لوگ بےروزگاری اور مہنگائی کی وجہ سے مشکل میں ہیں، احساس کہنے والوں کو احساس ہی نہیں ہے، عوام مہنگائی کے سونامی میں ڈوب رہے ہیں، عمران خان نے 50 لاکھ گھر بنانے کا وعدہ کرکے الٹاغریبوں کے گھر گرادیئے گئے۔