عمر اکمل کی ڈومیسٹک کرکٹ میں واپسی

کرکٹ کرپشن میں سزا کاٹنے اور بیالیس لاکھ روپے جرمانہ ادا کرنے والے عمر اکمل بھی اس بار ڈومیسٹک کرکٹ میں ایکشن میں ہوں گے۔

ان کا نام سینٹرل پنجاب کی ٹیم میں شامل کیا گیا ہے، وہ اتوار سے ایل سی سی اے گراونڈ میں سینٹرل پنجاب کے دوسرے کھلاڑیوں کےساتھ ٹریننگ کیمپ کا حصہ ہوں گے۔


یہ بھی پڑھیں: اعتراف کرتا ہوں میری غلطی کی وجہ سے پاکستان کی بدنامی ہوئی، عمر اکمل

سینٹرل پنجاب ٹیم میں کامران اکمل، شعیب ملک، محمد حفیظ، وہاب ریاض اور احمد شہزاد بھی ہیں۔ عمر اکمل نے پی سی بی کی جانب سے ری ہیب پروگرام شروع ہونے کے بعد ابھی تک صرف ایک کلب میچ کھیلا ہے جس میں وہ صرف پانچ رنز بنانے تک محدود رہے۔

عمر اکمل کو دوہزار بیس کے پی ایس ایل سیزن سے پہلے مشکوک روابط کو رپورٹ نہ کرنےپر معطل کیا گیاتھا، بعد میں اینٹی کرپشن یونٹ کی طرف سے تین سال سزا سنائی گئی،جس کو اپیل پر نصف کردیاگیا، کھیلوں کی عالمی ثالثی عدالت نے عمر اکمل کی سزا کو چھ کرنے کے ساتھ ساڑھے بیالیس لاکھ روپے جرمانہ کیا۔