اعلیٰ ثانوی تعلیمی بورڈ کا بارش کے باعث ملتوی پرچے کی تاریخ کا اعلان

پرچے 14ستمبر انہی امتحانی مراکز پر پہلے سے دیئے گئے شیڈول کے مطابق لیے جائیں گے، چیئرمین اعلیٰ ثانوی تعلیمی بورڈ . فوٹو : فائل

---

اعلیٰ ثانوی تعلیمی بورڈ کراچی نے بارش کے باعث ملتوی پرچے کی تاریخ کا اعلان کردیا۔

اعلیٰ ثانوی تعلیمی بورڈ کراچی کے چیئرمین پروفیسر ڈاکٹر سعید الدین نے اعلان کیا ہے کہ بروز ہفتہ 4 ستمبر 2021ء کو شدید بارش کے خدشہ کے پیش نظر ملتوی ہونے والے انٹرمیڈیٹ کے سالانہ امتحانات برائے 2021ء کے سائنس، کامرس ریگولرو پرائیویٹ، آرٹس ریگولر و پرائیویٹ،ہوم اکنامکس گروپس اور خصوصی امیدواروں کے پرچے اب بروز منگل 14ستمبر 2021ء کو صبح اور شام کی شفٹوں میں انہی امتحانی مراکز پر پہلے سے دیئے گئے شیڈول کے مطابق لیے جائیں گے۔