کراچی میں بارش گھر کی دیوار گرنے سے 3 بچے اور والدہ جاں بحق

واقعہ مکان میں پانی بھر جانے کی وجہ سے پیش آیا، پولیس

ویب ڈیسک September 09, 2021

واقعہ مکان میں پانی بھر جانے کی وجہ سے پیش آیا، پولیس

اورنگی ٹاؤن ایم پی آر کالونی میں مکان کی دیوار گرگئی جس کے نتیجے میں چار افراد جاں بحق ہوگئے۔

ریسکیو حکام واقعے کی اطلاع ملتے ہی جائے وقوعہ پہنچے اور چاروں لاشیں عباسی شہید اسپتال منتقل کردیں۔ مرنے والوں میں 3 بچے اور ان کی ماں شامل ہے۔ ہلاک ہونے والے چاروں افراد کی شناخت 4 سالہ بشیر، 7سالہ مبینہ، 10 سالہ نصیب اور 28 سالہ سید خاوا زوجہ رسول سعید کے ناموں سے ہوئی۔

متاثرہ مکان کا جائزہ لینے کیلئے پولیس پہنچ گئی۔ ایس ایس پی ویسٹ سہائے عزیز نے بتایا کہ واقعہ مکان میں پانی بھر جانے کی وجہ سے پیش آیا، حادثے میں ماں اور اس کے تین بچے جاں بحق اور دو زخمی ہوئے جبکہ ایک محفوظ رہا۔

علاقہ مکین نے بتایا کہ گھر کی دیوار نجی ہاؤسنگ اسکیم کی دیوار کی وجہ سے گری، پہاڑ پر بنی ہاؤسنگ اسکیم کی دیوار بارش کے دوران گری تو گھر میں بچے سورہے تھے، رات بھر جدوجہد کرکے بچوں اور خاتون کی لاشوں کو باہر نکالا۔