خواتین کے کرکٹ سمیت دیگر کھیلوں میں حصہ لینے پر پابندی ہوگی طالبان

اسلام ایسے لباس کی اجازت نہیں دیتا جس سے بے پردگی ہو، نائب سربراہ افغان ثقافتی کمیشن

ویب ڈیسک September 09, 2021

اسلام ایسے لباس کی اجازت نہیں دیتا جس سے بے پردگی ہو، نائب سربراہ افغان ثقافتی کمیشن

طالبان کا کہنا ہے کہ خواتین کے کرکٹ سمیت دیگر کھیلوں میں حصہ لینے پر پابندی ہوگی۔

آسٹریلوی میڈیا سے بات کرتے ہوئے افغان ثقافتی کمیشن کے نائب سربراہ احمد اللہ واثق کا کہنا تھا کہ خواتین کے کرکٹ اور دوسرے کھیلوں میں حصہ لینے پر پابندی ہوگی کیوں کہ ضروری نہیں کہ خواتین کرکٹ کھیلیں، کرکٹ میں ایسی صورتحال کا سامنا کرنا پڑسکتا ہے جہاں جسم اور چہرہ نہ چھپایا جاسکتا ہوں اور اسلام ایسے لباس کی اجازت نہیں دیتا جس سے بے پردگی ہو۔

دوسری جانب آئی سی سی نے افغانستان میں ویمن کرکٹ کی اجازت نہ دینے پر تشویش کا اظہار کرتے ہوئے کہا ہے کہ افغانستان کی بدلتی صورتحال پر گہری نظر ہے تاہم افغانستان میں ویمن کرکٹ کی اجازت ہونی چاہیے۔