پاکستانی سفارتکاروں کے بڑے پیمانے پر تبادلوں کا فیصلہ

نبیل منیر جنوبی کوریا، ڈاکٹر طارق الجیریا، خالد میمن پولینڈ، سلمان اطہر لبنان کے سفیر ہونگے۔ (فوٹو: فائل)

---

پاکستانی سفارت کاروں کے بڑے پیمانے پر تبادلے اور تقرریاں کرنے کا فیصلہ کرلیا گیا ہے۔

اہم ممالک میں نئے سفرا کو تعینات کردیا گیا ہے جب کہ ذرائع کے مطابق نبیل منیر جنوبی کوریا کے سفیر تعینات کا فیصلہ کیا گیا ہے، ایڈیشنل سیکریٹری ڈاکٹر طارق الجیریا میں نئے سفیر ہوں گے۔

اسپیشل سیکریٹری ڈاکٹر خالد میمن کو پولینڈ میں سفیر لگانے کا فیصلہ کیا گیا ہے جبکہ پولینڈ میں موجود فاروق ملک کویت میں تعینات کئے جائیں گے، کویت میں موجود پاکستانی سفیر سید سجاد حیدر ریٹائر ہو رہے ہیں، سلمان اطہر لبنان میں نئے سفیر ہونگے۔

لبنان میں تعینات نجیب درانی میکسیکو میں نئے سفیر ہونگے، ڈاکٹر عمران چوہدری عمان میں نئے سفیر ہونگے، شاہد سیہڑ جبوتی میں نئے سفیر ہونگے، مراد بصیر زمبابوے تعینات کیا جارہا ہے۔

فرحت عائشہ گھانا کو پاکستان کی نئی سفیر ہونگی، ثاقب روف سینی گال میں نئے سفیر ہونگے، سعدیہ الطاف قاضی کو لاس اینجلس اور سلمان بابر بیگ بارسلونا میں قونصل جنرل تعینات ہونگے۔