عاقب جاوید بھی رمیز راجا کے گرویدہ

رمیز راجا کرکٹ کو بہتر کرنے کی اہلیت رکھتے ہیں، عاقب جاوید فوٹو: فائل

---

پی سی بی کی پالیسوں پر سخت تنقید کرنے والے سابق کرکٹر اور کوچ عاقب جاوید رمیز راجا کی حمایت میں سامنے آگئے۔

لاہور میں رمیز راجا کی پریس کانفرنس میں مدعو کئے گئے عاقب جاوید نے میڈیا سے بات کرتے ہوئے کہا کہ وزیر اعظم عمران خان نے کرکٹ کو ٹھیک کرنے کے لیے رمیز راجا کو بھیجا ہے،عرصہ دراز کے بعد پی سی بی کا ایسا چیئرمین دیکھا ہے جس میں اتنی توانائی ہے۔

عاقب جاوید نے کہا کہ رمیز راجا کرکٹ کو بہتر کرنے کی اہلیت رکھتے ہیں۔ مجھے ان سے بہت زیادہ توقعات ہیں کہ اب پاکستانی ٹیم کی پرفارمنس کا گراف بھی بلند ہوگا اور پی سی بی بھی درست سمت پر کام کرے گا۔