عدم اعتماد کی تحریک کی بالکل پرواہ نہیں وزیر اعلیٰ بلوچستان

جس دن میری جماعت اور اتحادیوں کی اکثریت نے عدم اعتماد کیا تو چلا جاوٴں گا، جام کمال فوٹو: فائل

---

HERAT, AFGHANISTAN: وزیر اعلیٰ بلوچستان جام کمال نے کہا ہے کہ مجھے عدم اعتماد کی تحریک کی بالکل پرواہ نہیں۔

بلوچستان اسمبلی میں اپنے خلاف تحریک عدم اعتماد جمع کرائے جانے پر جام کمال نے اپنی ٹوئٹ میں کہا کہ الحمدللہ مجھے عدم اعتماد کی تحریک کی پرواہ نہیں ،اگر میری جماعت اور اتحادی میرے ساتھ ہیں تو اپوزیشن سے فرق نہیں پڑتا۔

Alhamdulillah I dont care two bits on oppositions motion of no confidence.

For me its important if my own party and coalition are with me. The day i dont have my own party and coalition majority...Then for me being the leader of the house is of no use and will leave myself. pic.twitter.com/1Sj7QXp3qo

— Jam Kamal Khan (@jam_kamal) September 14, 2021

وزیر اعلیٰ بلوچستان نے کہا کہ پارٹی اور اتحادیوں کے ساتھ نہ ہونے پر مجھے ایوان کا سربراہ ہونے کا حق نہیں ہوگا، جس دن میری جماعت اور اتحادیوں کی اکثریت نے عدم اعتماد کیا تو چلا جاوٴں گا۔

واضح رہے کہ گزشتہ روز بلوچستان میں اپوزیشن نے زیراعلیٰ بلوچستان جام کمال خان کے خلاف عدم اعتماد کی تحریک بلوچستان اسمبلی سیکریٹریٹ میں جمع کرائی ہے۔ جس میں کہا گیا ہے کہ گزشتہ 3 سال میں جام کمال خان کی خراب حکمرانی کے باعث بلوچستان میں شدید مایوسی، بدامنی ،بیروزگاری اور اداروں کی کارکردگی شدید متاثر ہوئی ہے۔