پاکستان اور نیوزی لینڈ کے درمیان ون ڈے سیریز کی ٹرافی کی رونمائی

دونوں ٹیموں کے مابین تین میچز کی سیریز پہلا میچ کل پنڈی اسٹیڈیم میں کھیلا جائے گا - فوٹو: پی سی بی

---

پاکستان نیوزی لینڈ کے درمیان ون ڈے انٹرنیشنل سیریز کی ٹرافی کی رونمائی راولپنڈی کرکٹ اسٹیڈیم میں کردی گی۔

کورونا وباء کی وجہ سے ویران راولپنڈی کرکٹ اسٹیڈیم کل سے آباد ہوجائے گا، پاکستان نیوزی لینڈ کی ٹیموں کے مابین تین ون ڈے میچز کی سیریز راولپنڈی کرکٹ اسٹیڈیم میں کھیلی جائے گی جب کہ فاتح ٹیم کو دی جانے والی ٹرافی کی رونمائی کردی گی۔

پی سی بی حکام کے مطابق 3 ون ڈے میچوں کی سیریز کے دوران 25 ہزار تماشائیوں کی جگہ والے اسٹیڈیم میں 5 ہزار تماشائی کورونا ایس او پیز کے تحت اسٹیڈیم سے براہ راست میچز دیکھ سکیں گے، 17 سے 21 ستمبر تک جاری رہنے والی ون ڈے میچوں کی سیریز میں سیکورٹی یقینی بنانے کے لیے سیکورٹی کے سخت انتظامات کیے گے ہیں، پاک فوج، پنجاب رینجرز اور پولیس کے جوانوں کی بھاری نفری کو تعینات کیا گیا ہے۔

Osaka Batteries presents J. Pakistan vs New Zealand ODI Series 2021 trophy unveiling ceremony #PAKvNZ | #HarHaalMainCricket | #HoRahaHai pic.twitter.com/V7Uo1AlYpt

— Pakistan Cricket (@TheRealPCB) September 16, 2021

پی سی بی حکام کا کہنا تھا کہ پاکستان 18 سال بعد اپنی سرزمین پر نیوزی لینڈ ٹیم کی میزبانی کرے گا، امید ہے دونوں ٹیموں کے مابین کھیلے جانے والی کرکٹ مقابلے انتہائی دلچسپ ہوں گے، کل سیریز کا پہلا میچ دوپہر اڑھائی بجے شروع ہوگا۔