خاندانی رنجش پر بہن کو قتل کرنے والے 2 بھائی گرفتار

پولیس نے خاندانی رنجش پر اپنی ہی بہن کو قتل کرنے والے دو بھائیوں کو گرفتار کرلیا ہے۔


ایکسپریس نیوز کے مطابق رواں سال جون میں تھانہ صدر واہ کے علاقے میں نامعلوم ملزمان نے فائرنگ کرکے نوجوان لڑکی کو قتل کردیا تھا، اندھے قتل کی اس واردات کا مقدمہ مقتولہ کے بڑے بھائی محمد رمضان کی مدعیت میں نامعلوم ملزمان کے خلاف درج کیاگیا تھا۔

پولیس کے مطابق تفتیش پر مامور ٹیم نے مقدمے کی تفتیش کے دوران ملزم کے بھائیوں کو شامل تفتیش کرتے ہوئے اندھے قتل کے کیس کو حل کرلیا۔ اس بارے میں ایس پی پوٹھوہار تصور اقبال کا کہنا ہے کہ ہمشیرہ کے قتل میں اس کے دو سگے بھائی محمد عمران اور بلا ل ملوث نکلے، جنہوں نے گھریلوناچاقی پر بہن کو قتل کردیا تھا۔ ملزمان کو گرفتار کرلیا ہے، اوران کا ٹھوس شواہد کے ساتھ چالان کیا جائے گا۔