مدرسے کے طالب علم سے بدفعلی کرنے کے کیس میں اہم پیش رفت

KARACHI:
طالب علم سے بدفعلی کرنے کے کیس میں پولیس نے چالان عدالت میں جمع کرادیا۔


مدرسے کے طالب علم سے بدفعلی کرنے کے کیس میں اہم پیش رفت سامنے آئی ہے، پولیس نے ملزم عزیز الرحمان کا چالان عدالت میں جمع کرا دیا ہے جس میں کہا گیا ہے کہ ملزم نے مدرسے کے طالب علم کو بدفعلی کا نشانہ بنایا، ملزم نے امتحان پاس کروانے کی لالچ دیکر طالب علم کے ساتھ بدفعلی کی جب کہ ویڈیو فرانزاک رپورٹ کے مطابق ملزم بچے سے بدفعلی کرنے کی کوشش کررہا ہے۔

پولیس کی جانب سے عدالت میں جمع کرائے گئے چالان میں کہا گیا ہے کہ ملزم عزیز الرحمان کے خلاف 22 گواہوں کو نامزد کیا گیا ہے جب کہ وائرل ویڈیو کے ذریعے متاثرہ مدعی نے کاروائی کی درخواست دی۔ عدالت نے پولیس کی جانب سے جمع کرائے گئے چالان کو 20 ستمبر کو سماعت کے لیے مقرر کرلیا ہے۔