کل پاکستان جا رہا ہوں کون میرے ساتھ آئے گا کرس گیل

نیوزی لینڈ کی جانب سے سیکیورٹی خدشات پر وطن واپسی کے بعد کرس گیل کی ٹوئٹ نے پاکستانیوں کے دل جیت لیے ہیں۔(فوٹو:فائل)

---

کرکٹ کے یونیورس باس کرس گیل نے سوشل میڈیا پر اپنے بیان سے ایک بار پھر پاکستانیوں کے دل جیت لیے۔

نیوزی لینڈ کرکٹ ٹیم کی جانب سے سیکیورٹی خدشات پر پاکستان کا دورہ ادھورا چھوڑ کر وطن واپس جانے کے بعد کرس گیل نے اپنے ٹویٹر اکاؤنٹ پر پیغام دیا ہے 'کل پاکستان جا رہا ہوں، کون میرے ساتھ آئے گا؟'

کرس گیل کی یہ پوسٹ فوراًہی وائرل ہو گئی اور پاکستانی شائقین گیل کی پاکستان سے محبت کو سراہتے ہوئے نظر آئے۔ ان کا بیان ٹویٹر پر #UniverseBoss #ChrisGayle جیسے ہیش ٹیگ کی شکل میں ٹاپ ٹرینڈ میں آگیا۔

I’m going to Pakistan tomorrow, who coming with me? 😉🙌🏿

— Chris Gayle (@henrygayle) September 18, 2021

ویسٹ انڈین کرکٹر نے کوئی وضاحت نہیں کی کہ کیا وہ واقعی پاکستان جا رہے ہیں یا نیوزی لینڈ کی جانب سے دورہ ادھورا چھوڑنے پر پاکستان سے اظہار یکجہتی کیلیے انہوں نے ایسا لکھا ہے۔

یہ پڑھیں : نیوزی لینڈ کرکٹ ٹیم خصوصی طیارے سے وطن روانہ

یاد رہے کہ رواں برس پی ایس ایل 6 میں کرس گیل نے کوئٹہ گلیڈی ایٹرز کی نمائندگی کی تھی۔