دس سال بعد ماہرہ اورعاطف ایک ساتھ مداحوں کومحظوظ کرنے کے لیے تیار

اس سے قبل عاطف اسلم نے سجل علی کے ہمراہ 'رفتہ رفتہ' گانا ریکارڈ کرایا تھا

ویب ڈیسک September 20, 2021

عاطف اسلم نے کہا تھا کہ اس ہفتے وہ کچھ نیا اوربہت دلچسپ کرنے جارہے ہیں

ماہرہ خان اورعاطف اسلم ایک ساتھ دس سال بعد مداحوں کومحظوظ کرنے کے لیے تیارہیں۔

عالمی شہرت یافتہ گلوکار عاطف اسلم نے 2 روزقبل مداحوں کوسرپرائزدیا تھا کہ وہ مایہ ناز اداکارہ ماہرہ خان کے ساتھ اسکرین پردس سال بعد نظرآئیں گے۔

عاطف اسلم نے کہا تھا کہ اس ہفتے وہ کچھ نیا اوربہت دلچسپ کرنے جارہے ہیں۔ اب گلوکار کی جانب سے انسٹاگرام پرایک پوسٹ کی گئی ہے جس سے اس بات کی مزید تصدیق ہوئی۔

[instagram-post url="https://www.instagram.com/p/CT-Z4eWoFMV/"]

عاطف اسلم کے ماہرہ خان کے ساتھ آنے والے گانے کا ٹائٹل 'اجنبی' ہے۔ اس سے قبل عاطف اسلم نے سجل علی کے ہمراہ 'رفتہ رفتہ' گانا ریکارڈ کرایا تھا جو مداحوں کوبے حد پسند آیا تھا۔

[instagram-post url="https://www.instagram.com/p/CUApb1UK_9w/"]

واضح رہے کہ اس سے قبل 2011 میں ریلیزہونے والی فلم 'بول' میں ماہرہ خان نے گلوکار اور اداکار عاطف اسلم کے ساتھ مرکزی کردار ادا کیاتھا۔