پاک فوج سے متعلق مضحکہ خیز دعویٰ ارنب گوسوامی کی سوشل میڈیا پردرگت بن گئی

بھارتی اینکر کا دعویٰ جھوٹا نکلا، فوٹو: فائل

---

جھوٹے دعوؤں اور بے سروپا باتوں کے لیے مشہور بھارتی اینکر ارنب گوسوامی نے مضحکہ خیز دعویٰ کیا ہے کہ کابل کے سرینا ہوٹل کی پانچویں منزل پر پاک فوج کے افسران ٹھہرے ہوئے ہیں اور پنجشیر میں مزاحمتی گروپ کے خلاف طالبان کی مدد کررہے ہیں۔

بھارتیہ جنتا پارتی اور مودی جی کے مداح ہونے کے باعث ارنب گوسوامی جنگ پسند ''اینکر'' ہیں جو اکثر اپنے پروگرام میں بے سروپا باتیں کرکے اپنا مذاق خود بنواتے رہتے ہیں۔

No one does #fakenews with the confidence of #ArnabGoswami - it's just that he's caught with his pants down this time. https://t.co/zqZrr6Dm2g

— Sheriff Rango 🏳️‍🌈 (@aakashmehrotra) September 19, 2021

اپنے ایک پروگرام نے ارنب گوسوامی نے جب کابل کے سرینا ہوٹل کی پانچویں منزل میں پاک فوج کے افسران کی موجودگی کا اپنے تئیں ریکارڈ توڑ '' انکشاف'' کیا تو سوشل میڈیا پر صارفین نے ان کے جھوٹ کا پردہ فاش کرتے ہوئے یاد دلایا کہ کابل کا سرینا ہوٹل صرف دو منزلہ عمارت ہے۔

https://twitter.com/Dilsedesh/status/1439528467465322498?s=20

کئی صارفین نے سرینا ہوٹل کابل کی تصاویر اور ویڈیوز بھی شیئر کیں جس میں صاف نظر آرہا ہے کہ یہ دو منزلہ عمارت ہے اور ارنب سوامی کی معلومات اتنی ناقص ہیں کہ اس دو منزلہ عمارت کی پانچویں منزل میں پاک فوج کی موجودگی کا دعویٰ کر بیٹھے۔

#SerenaHotel started Constructing 5th Floor in #Kabul after the claim of #ArnabGoswami pic.twitter.com/GylaBry169

— A.M.Ansari 🇵🇰 (@A_MateenAnsari) September 19, 2021

ارنب سوامی نے اسی پر بس نہیں کی بلکہ یہ تک کہہ ڈالا کہ وہ ہوٹل میں پاکستانی افسران کے کمروں کے نمبرز بھی بتاسکتے ہیں اور یہ بھی کہ ان افسران نے رات کھانے میں کون سی ڈشیں آرڈر کی تھیں۔

https://twitter.com/SuhaibJAhmed/status/1439563500939010048?s=20

ایک صارف نے سرینا ہوٹل میں موجود کبوتروں کی تصاویر شیئر کرتے ہوئے لکھا کہ ارنب سوامی شاید ان کو آئی ایس آئی اہلکار سمجھ رہے ہیں جب کہ ایک صارف نے ہوٹل کی الٹی تصویر شیئر کرکے لکھا کہ شاید اس طرح ارنب سوامی ہوٹل کی پہلی منزل کے 12 کمروں کو 12 فلورز سمجھ رہے ہیں۔

ISI using stealth technology to hide the 5th floor. Serena Kabul.#ArnabGoswami pic.twitter.com/4TsaZDOOGm

— People’s Pulse (@PTIWarRoom) September 19, 2021

ایک بھارتی بلاگرز نے لکھا کہ شاید دنیا میں کوئی ایسا صحافی ہو جو اتنے اعتماد سے جھوٹی خبریں دے سکتا ہو لیکن اس بار ارنب سوامی پکڑے گئے۔ چین کے صحافی شین شیوی نے بھی ہوٹل کی تصاویر شیئر کرکے لکھا کہ ہوٹل میں ٹوٹل دو منزلیں ہی ہیں۔

India's Arnab Goswami claims #Pakistan's ISI officers are staying on the fifth floor of Serena Hotel Kabul and meddling in the affairs of #Afghanistan.

But......Serena Hotel in Kabul has only two floors, the fifth floor doesn’t exist......pic.twitter.com/nFypRdGzP3

— Shen Shiwei 沈诗伟 (@shen_shiwei) September 19, 2021