سونم کپور فلم’’ رئیس‘‘ میں پہلی بار شاہ رخ خان کی ہیروئن بنیں گی

راہول ڈھولکیا کی ہدایت کاری میں بنائی جانے والی فلم میں کنگ خان گجراتی ڈان اور فرحان اختر پولیس افسر کا کردار کر رہے ہیں ۔ فوٹو: فائل

---

HARARE: بالی ووڈ اداکارہ سونم کپورجوان دنوں اپنی بہن کی ہدایتکاری میں بنائی جانیوالی فلم خوبصورت کی شوٹنگز میں مصروف ہیں اپنے کیرئیر میں پہلی مرتبہ شاہ رخ خان کی ہیروئن بننے جارہی ہیں ۔

بالی ووڈ زرائع کے مطابق وہ فلم رئیس میں شاہ رخ خان کے ساتھ رومانوی کردار ادا کریں گی فلم میں فرحان اختر بھی اہم کردار ادا کر رہے ہیں۔ فلم کی پروڈکشن کمپنی ''ایکسل نے تصدیق کرتے ہوئے کہا ہے کہ سونم کپور پہلی مرتبہ ان کی فلم ''رئیس'' میں شاہ رخ خان کے ساتھ رومانوی کردار ادا کررہی ہیں اور اس سلسلہ میں جلد ہی معاہدہ طے پاجائے گا جس کا باقاعدہ میڈیا پر اعلان کردیا جائے گا۔ زرائع کے مطابق راہول ڈھولکیا کی ہدایتکاری میں بنائی جانیوالی فلم رئیس میں شاہ رخ خان گجرات کے ایک ڈان کا کردار ادا کررہے ہیں اور اس سلسلہ میں ان کے میک اپ اور گٹ اپ کی تیاری کے لیے ہالی ووڈ کے میک اپ آرٹسٹوں کی خدمات بھی حاسل کرلی گئی ہیں۔ ہدایتکار راہول ڈھولکیا کا اپنی اس فلم کے متعلق کہنا ہے کہ شاہ رخ خان ایک ڈان جب کہ فرحان اختر پولیس افسر کے کردار میں ہیں اور یہ پہلا موقع ہے کہ شاہ رخ خان اداکارہ سونم کپور اور بھاگ ملیکھا بھاگ کے اداکار فرحان اختر کے ساتھ کام کررہے ہیں ان کا ک ہنا تھا کہ یہ ایک بہترین اصلاحی اور ایکشن فلم ہوگی ۔

فلم کی شوٹنگ رواں برس کے وسط میں شروع ہونگی جب کہ اسے آئندہ برس سینما گھروں کی زینت بنایا جائے گا۔فلم رانجھنااور بھاگ ملیکھا بھاگ سے شہرت حاصل کرنیوالی اداکارہ کی اب تک کئی فلمیں باکس آفس پر اوسط درجے کا بزنس ہی کرسکی ہیں اور وہ اس وقت کسی نامور اداکار کے ساتھ فلم میں آنے کی ضرورت محسوس کررہی ہے سونم کپور کا کہنا ہے کہ اداکارہ کا کہنا تھا کہ میں کسی فلم میں شاہ رخ خان ، سلمان خان اور عامر خان کے ساتھ کام کرنا چاہتی تھی جو اب رئیس کے زریعہ پوری ہونے جارہی ہے ۔راہول ڈھولکیا کی ہدایتکاری میں بنائی جانیوالی اس فلم میں نامور اداکار شاہ رخ خان کے ساتھ مرکزی کردار ادا کررہی ہوں امید ہے کہ ان سے مجھے بہت کچھ سیکھنے کا موقع ملے گا ایک سوال کے جواب پر اداکارہ کا کہنا تھا کہ مجھے اپنی زیادہ تر فلموں کے اوسط درجے کی رہنے پر کوئی زیادہ افسوس نہیں ہے کیونکہ اگر اس چیز کو مثبت طور پر دیکھا جائے تو یہ بھی میری ترقی کا ہی ایک حصہ ہے کہ میں ایک ناکام اداکارہ کے طور پر اپنی پہچان نہیں بنارہی ہوں ۔



اداکارہ کا کہنا تھا کہ میں یہ بھی نہیں چاہتی کہ کوئی اس پر افسوس کرے کیونکہ یہ میری اپنی چوائس ہے کہ میں نے اس سے کیا کچھ سیکھا ہے۔2014 میرے لیے بہت روشن ہے اور میں اس برس کے دوران خود کو بہت آگے جاتے ہوئے دیکھ رہی ہوں ۔ میں ابھی تک اپنی تمام فلموں میں پیچیدہ کردار ادا کیے ہیں اور میں نہیں جانتی کہ کوئی میرے مطابق بھی فلم میں کوئی کردار تحریر کرے گا ۔ادھر سونم کپور ہدایتکار ابھشیک ڈوگر کی فلم ڈولی کی ڈولی ''Dolly Ki Doli''میں ایک ایسی دلہن کا کردار ادا کررہی ہیں جو مختلف افراد سے سے شادی کرتی ہے اور پہلی ہی رات کو ان کی تمام دولت لے کر گھر سے فرار ہوجاتی ہے۔ ذرائع کے مطابق سونم کپور کو جب فلم کی پیشکش کی گئی تو اس نے صرف تین وجوہات کہ فلم میں جو لوگ ہیں وہ ان کے ساتھ کام کرنے میں آسانی محسوس کرتی ہے دوسرے فلم کے پروڈیوسر ارباز خان ہیں اور تیسری وجہ یہ تھی وہ ہدایتکار ابھشیک ڈوگرا کے ساتھ کام کرنا چاہتی تھی جس کی وجہ سے اس نے فلم میں کام کرنے کی حامی بھرلی ۔

اپنی اس فلم کے متعلق اداکارہ کا کہنا ہے کہ فلموں میں ایک ہی طرح کے کردار کرنا پسند نہیں کرتی ۔ میری ہمیشہ سے یہ کوشش رہی ہے کہ ایسی فلموں میں کام کروں جن میں نیا پن ہو مجھے کچھ کر دکھانے کا موقع مل سکے ۔ اپنے کردار کے متعلق ایک سوال کے جواب میں اداکارہ کا کہنا تھا کہ یہ درست ہے کہ میں ابھی تک زیادہ تر سلجھے ہوئے کردار ادا کیے ہیں اور یہ پہلی مرتبہ ہے کہ میں ایک ایسی لڑکی کے کردار میں سامنے آرہی ہوں جو آزاد خیال اور لوگوں کو شادی کے نام پر لوٹنے میں اپنا ثانی نہیں رکھتی ۔ مجھے یقین ہے کہ شائقین مجھے اس کردار میں دیکھ کر بھی پسند کریں گے۔ ادھراداکارہ کی فلم ''خوبصورت'' جو 1980کی سپرہٹ فلم خوبصورت کا ریمیک ہے کی شوٹنگز ان دنوں جاری ہیں دوسری طرف سونم کپور ہدایتکار نوپور استھانہ کی فلم بیوقوفیاں میں بھی جلوہ گر ہورہی ہیں اس فلم میں ان کے ساتھ ایوشمان کھرانہ مرکزی کردار ادا کررہے ہیں جب کہ رشی کپور بھی اہم کردار میں نظر آئیں گے ۔ اطلاعات کے مطابق اس فلم کو14مارچ کو سینما گھروں کی زینت بنایا جائے گا۔