لیاقت آباد کے علاقے میں پولیس نے ملازمت دلانے کا جھانسہ دے کر 14 سالہ لڑکے سے بدفعلی کی کوشش کرنے والے ملزم کو گرفتار کرلیا۔

ایکسپریس نیوز کے مطابق لاہور کے علاقے لیا قت آباد میں علی اصغر نامی ملزم نے نوکری کا جھانسہ دے 14 سالہ لڑکے احسان اللہ سے بد فعلی کرنے کی کوشش کی۔

اس حوالے سے لاہور پولیس کے ترجمان کا کہنا ہے کہ انہوں نے احسان اللہ کی مدعیت میں ملزم علی اصغر کے خلاف مقدمہ درج کرکے اسے گرفتار کرلیا ہے۔ ملزم نے شراب کے نشہ میں دھت ہوکر بچے سے بد فعلی کی کوشش کی۔