دکاندار نے 2 کمسن بچوں کو مرغیوں کے پنجرے میں بند کردیا۔

سٹی ایریا میں دکاندار نے 2 بچوں کو اپنی دکان کے باہر رکھے مرغیوں کے پنجرے میں بند کردیا، مبینہ طور پر ملزم کو چوری کا شبہ تھا۔

پولیس ذرائع کا کہنا ہے کہ مبینہ طور پر ملزم کو بچوں پر چوری کا شبہ تھا، واقعہ کی ویڈیو بھی منظر عام پر آگئی جس میں 8 اور 9 سال کے 2 بچوں کو پنجرے میں بیٹھے دیکھا جاسکتا ہے۔

پولیس کے مطابق ویڈیو سامنے آنے پر ڈی پی اوساجد حسین کھوکھر کے نوٹس پر مقدمہ درج کرکے ملزم کو گرفتار کرلیا گیا، مزید تحقیقات کی جارہی ہیں۔