مقبوضہ کشمیرمیں بے گناہ شہریوں کے قاتل بھارتی فوجیوں کی رہائی کے خلاف ہڑتال اورمظاہرے
14سال قبل پتھری بل میں جعلی مقابلےکےدوران 5اہلکاروں نے5کشمیریوں کوقتل کیا تھاجنھیں پچھلے ہفتے ملٹری عدالت نے بری کردیا
مقبوضہ کشمیر میں کشمیری شہریوں کے قتل میں ملوث بھارتی فوجیوں کو ملٹری عدالت کی طرف سے بری کیے جانے کیخلاف مکمل ہڑتال رہی اور قابض فوج کیخلاف نعرے بازی کی گئی، ہڑتال کی اپیل آزادی پسند گروپوں کی طرف سے کی گئی تھی۔
ذرائع ابلاغ کے مطابق مقبوضہ کشمیر میں 5 بھارتی فوجیوں نے 14 سال قبل 5 کشمیری شہریوں کو قتل کردیا تھا، اس کیس کا ملٹری عدالت نے پچھلے ہفتے فیصلہ سنایا جس میں پانچوں بھارتی فوجیوں کو بری کردیا گیا۔ ملٹری عدالت کے اس فیصلے کے خلاف جمعے کو مقبوضہ کشمیر میں مکمل ہڑتال رہی، تجارتی مراکز اور اسکول بند رہے جبکہ سڑکوں پر ٹریفک بھی نہ ہونے کے برابر تھی، مظاہرین قابض فوج کیخلاف شدید نعرے بازی کرتے رہے۔ سری نگر میں مظاہرین نے سیکیورٹی فورسز پر پتھرائو بھی کیا، قابض فورسز نے مظاہرین کو منتشر کرنے کیلیے آنسو گیس کی شیلنگ کی اور 12 سے زائد مظاہرین کو گرفتار کرلیا۔
اس موقع پر مقبوضہ وادی میں ہزاروں اہلکار تعینات کیے گئے تھے۔ جنوبی گائوں براری آنگن میں بھارتی فوجیوں کے ہاتھوں قتل ہونیوالے 5 کشمیری شہریوں کی قبروں کے قریب بھی سیکڑوں کشمیریوں نے بھارتی فوج کیخلاف مظاہرہ کیا۔ بھارتی فورسز کے مطابق قتل ہونیوالے تمام افراد غیرملکی مجاہدین تھے۔ اے پی پی کے مطابق بھارتی پولیس نے کل جماعتی حریت کانفرنس کے رہنمائوں اور کارکنوں کو پتھری بل جعلی مقابلے کیخلاف احتجاجی مظاہروں کی قیادت کرنے سے روکنے کیلیے گرفتار کر لیا تھا جن میں شبیر احمد شاہ اور دیگر شامل ہیں۔ حریت رہنما میرواعظ عمر فاروق نے ایک بیان میں کہا کہ کشمیری بھارتی مظالم کیخلاف اٹھ کھڑے ہوں۔
ذرائع ابلاغ کے مطابق مقبوضہ کشمیر میں 5 بھارتی فوجیوں نے 14 سال قبل 5 کشمیری شہریوں کو قتل کردیا تھا، اس کیس کا ملٹری عدالت نے پچھلے ہفتے فیصلہ سنایا جس میں پانچوں بھارتی فوجیوں کو بری کردیا گیا۔ ملٹری عدالت کے اس فیصلے کے خلاف جمعے کو مقبوضہ کشمیر میں مکمل ہڑتال رہی، تجارتی مراکز اور اسکول بند رہے جبکہ سڑکوں پر ٹریفک بھی نہ ہونے کے برابر تھی، مظاہرین قابض فوج کیخلاف شدید نعرے بازی کرتے رہے۔ سری نگر میں مظاہرین نے سیکیورٹی فورسز پر پتھرائو بھی کیا، قابض فورسز نے مظاہرین کو منتشر کرنے کیلیے آنسو گیس کی شیلنگ کی اور 12 سے زائد مظاہرین کو گرفتار کرلیا۔
اس موقع پر مقبوضہ وادی میں ہزاروں اہلکار تعینات کیے گئے تھے۔ جنوبی گائوں براری آنگن میں بھارتی فوجیوں کے ہاتھوں قتل ہونیوالے 5 کشمیری شہریوں کی قبروں کے قریب بھی سیکڑوں کشمیریوں نے بھارتی فوج کیخلاف مظاہرہ کیا۔ بھارتی فورسز کے مطابق قتل ہونیوالے تمام افراد غیرملکی مجاہدین تھے۔ اے پی پی کے مطابق بھارتی پولیس نے کل جماعتی حریت کانفرنس کے رہنمائوں اور کارکنوں کو پتھری بل جعلی مقابلے کیخلاف احتجاجی مظاہروں کی قیادت کرنے سے روکنے کیلیے گرفتار کر لیا تھا جن میں شبیر احمد شاہ اور دیگر شامل ہیں۔ حریت رہنما میرواعظ عمر فاروق نے ایک بیان میں کہا کہ کشمیری بھارتی مظالم کیخلاف اٹھ کھڑے ہوں۔