بھارتی انسداد تمباکو تنظیم نے اداکار کو اشتہاری مہم سے فوری طور پر دستبردار ہونے کا مطالبہ کردیا ہے - فوٹو:فائل
بھارت کی قومی انسداد تمباکو تنظیم نے اداکار امیتابھ بچن کے پان مصالحہ کے اشتہار پر اداکار کو خط لکھ دیا ہے جس میں تنظیم نے مطالبہ کیا ہے کہ امیتابھ بچن فوری طور پر پان مصالحہ کی اشتہاری مہم سے دستبردار ہو جائیں۔
اداکار امیتابھ بچن کو چند روز قبل پان مصالحہ کے اشتہار میں دیکھا گیا ہے۔ اپنے پسندیدہ اداکار کو پان مصالحہ کے اشتہار میں پاکر مداح بھی غصے میں ہیں اور اپنے ردعمل کا اظہار کر رہے ہیں۔
تنظیم نے امیتابھ بچن کے نام خط میں لکھا ہے کہ میڈیکل ریسرچ سے معلوم ہوتا ہے کہ تمباکو اور پان مصالحہ جیسی اشیا نوجوانوں کی صحت کو خراب کر رہی ہیں، آپ سرکاری پولیو مہم کے برانڈ ایمبیسیڈر ہیں، آپ کو پان مصالحہ کی اشتہاری مہم سے جلد از جلد دستبردار ہو جانا چاہیے۔
خط میں مزید کہا گیا ہے کہ سرطان (کینسر) پر تحقیق کرنے والی بین الاقوامی ایجنسی اور عالمی ادارہ صحت نے اس بات کو تسلیم کیا ہے کہ پان چبانے سے منہ کا سرطان ہوتا ہے اور انسانی صحت پر دیگر منفی اثرات بھی مرتب ہوتے ہیں۔
Sir you are promoting #Kamlapasand you are the ideal of our young India. You had done lots of social work for government. you are the #BIGB and now we are seeing you are promoting #tobacco Sir this is really so sad for us we never expect this from the gemstone of our country😢😢
- Shekhar Sri (@shekharrockss) September 19, 2021
سماجی رابطے کی ویب سائٹ ٹوئٹر پر ایک مداح نے لکھا کہ آپ بھارتی نوجوانوں کے لیے مثالی ہیں، آپ نے حکومت کے لیے بہت سے سماجی کام کیے اور اب آپ تمباکو کے استعمال کو فروغ دے رہے ہیں، یہ انتہائی افسوس کی بات ہے، ہم نے آپ سے یہ توقع کبھی نہیں کی تھی۔
خیال رہے کہ انسداد تمباکو تنظیم نے پچھلی ایک دہائی میں عوامی مقامات پر تمباکو کا استعمال کرنے پر کئی نامور شخصیات کو ٹارگٹ کیا ہے۔ 2010ء میں اداکار اجے دیوگن کو عوامی مقام پر سگریٹ نوشی پر اسی تنظیم نے جرمانہ کیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔