امریکی نائب وزیرخارجہ 7 اور8 اکتوبرکوپاکستان کا دورہ کریں گی

پاکستان کا دورہ بھارت اورافغانستان کے دورے بعد کیا جائے گا: فوٹو: فائل

---

امریکی نائب وزیرخارجہ 'ونڈی آرشرمن' 7 اور8 اکتوبرکوپاکستان کا دورہ کریں گی۔

ترجمان امریکی محکمہ خارجہ کے مطابق نائب وزیرخارجہ "ونڈی آرشرمن" 7 اور8 اکتوبرکوپاکستان کا دورہ کریں گی۔ وہ پاکستان کے دورے کے دوران سینیئرپاکستانی قیادت سے ملاقاتیں کریں گی۔

نائب وزیرخارجہ ونڈی آرشرمن 4 ملکی دورے کے آخری مرحلے میں پاکستان آئیں گی۔ اپنے دورے کے دوران نائب وزیرخارجہ سول وفوجی قیادت سےملاقاتیں کریں گی۔

واضح رہے کہ نئی امریکی انتظامیہ کے اقتدارسنبھالنے کے بعد کسی بھی امریکی اہلکارکا یہ پاکستان کا پہلا دورہ ہے۔