سوشل میڈیا پر خواتین کی غیراخلاقی تصاویر شیئر کرنے کا رجحان بڑھ رہا ہے سپریم کورٹ

عدالت کو کیس حقائق کے مطابق جائزہ لینا ہوتا کہ ملزم کی ضمانت بنتی ہے یا نہیں، سپریم کورٹ فوٹو: فائل

---

سپریم کورٹ نے ایک کیس کی سماعت کے دوران ریمارکس دیئے ہیں کہ سوشل میڈیا پر خواتین کی غیراخلاقی تصاویر شیئر کرنے کا رجحان بڑھتا جا رہا ہے جو معاشرے کی اخلاقی تنزلی کو ظاہر کرتا ہے۔

ایکسپریس نیوز کے مطابق سپریم کورٹ نے خاتون کی تصاویر سوشل میڈیا پر شیئر کرنے کے الزام میں گرفتار فخر زمان نامی ملزم کی ضمانت 2 لاکھ روپے کے مچلکوں کے عوض منظور کرلی۔

عدالت نے 3 صفحات پر مشتمل اپنے فیصلے میں قرار دیا کہ سوشل میڈیا پر خواتین کی غیراخلاقی تصاویر شیئر کرنے کا رجحان بڑھتا جا رہا ہے، ایسی سرگرمیوں کا بڑھنا معاشرے کی اخلاقی تنزلی کو ظاہر کرتا ہے، عدالت کو کیس حقائق کے مطابق جائزہ لینا ہوتا کہ ضمانت بنتی ہے یا نہیں، اپ لوڈ کی گئی تصاویر میں سے بعض مکمل لباس میں ہیں، انہیں غیر اخلاقی نہیں کہا جا سکتا، اپ لوڈ کی گئی نیم برہنہ تصاویر میں بظاہر کسی کو پہچانا بھی نہیں جاسکتا۔

واضح رہے کہ پشاور ہائی کورٹ نے فخر زمان کی درخواست ضمانت کردی تھی جس کے بعد ملزم نے سپریم کورٹ سے رجوع کیا تھا۔