ایران سے دہشت گردوں نے ایف سی بارڈر پوسٹ پر فائرنگ کردی جس سے ایک جوان شہید اور ایک زخمی ہوگیا۔

پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے ایرانی حدود سے پاکستانی علاقے میں فائرنگ کی، بلوچستان میں چوکب کے علاقے میں ایف سی کی بارڈر پوسٹ کو نشانہ بنایا گیا۔

ترجمان پاک فوج کے مطابق دہشت گردوں نے فائرنگ کے دوران چھوٹے ہتھیاروں کا استعمال کیا جس سے ایف سی کا جوان مقبول شاہ شہید ہوگیا جب کہ ایک اہلکار زخمی بھی ہوا، پاکستان نے متعلقہ ایرانی حکام کو واقعے سے آگاہ کردیا۔