اسلامی جمعیت طلبا قوم کی امیدوں کا مرکز ہےحافظ نعیم

جمعیت کی لازوال قربانیاں تاریخ میں سنہرے حرفوں میں لکھی جائیں گی

Staff Reporter February 02, 2014

جمعیت کی لازوال قربانیاں تاریخ میں سنہرے حرفوں میں لکھی جائیں گی۔

جماعت اسلامی کراچی کے امیرحافظ نعیم الرحمن نے کہا ہے کہ اسلامی جمعیت طلبا ملک کی نظریاتی سرحدوں کی محافظ ہے، ملکی بقا اور سلامتی کیلیے جمعیت کی لازوال قربانیاں تاریخ میں سنہرے حرفوں میں لکھی جائیں گی۔

ان خیالات کا اظہار انھوں نے دفتر جماعت اسلامی کراچی ادارہ نورحق میں اسلامی جمعیت طلبا پاکستان کی مرکزی مجلس شوری کے ارکان کی خصوصی نشست سے خطاب کرتے ہوئے کیا، اس موقع پر جماعت اسلامی کراچی کے سیکریٹری عبدالوہاب ، نائب امرا مظفراحمد ہاشمی ، نصراللہ خان شجیع ، مسلم پرویز ، ڈپٹی سیکریٹریز عبدالرشید بیگ ، راشد قریشی ، سیکریٹری اطلاعات زاہد عسکری ، ضلعی امرا ، زبیر صفدر، ناظم اعلیٰ اسلامی جمعیت طلبا پاکستان ، سیکریٹری زبیر حفیظ اور دیگر بھی موجود تھے۔

photo 1_zps4baf9b37.jpg

حافظ نعیم الرحمن نے کہا کہ اسلامی جمعیت طلبا پوری قوم کی امیدوں اور آرزوئوں کا مرکز ہے ، ملک اور قوم پر جب بھی کڑا وقت آیا جمعیت نے لازوال قربانیاں دی ہیں اور ملک کی نظریاتی سرحدوں کی حفاظت کو اپنا شعار بنایا ، جمعیت نے جہاں ایک طرف لادینیت کا ڈٹ کر مقابلہ کیا وہیں دوسری جانب طلبہ کو اسلام کے آفاقی اور نظریاتی پیغام سے بھی آشنا کیا اور لاکھوں طلبہ کی زندگیوں کی تعمیر کی ، انھوں نے کہا کہ جمعیت انسانی زندگی کی تعمیر کے ذریعے رضائے الہی کاحصول ایک بلند نصب العین ہے ، اسلامی جمعیت طلبہ کی کامیابی ہماری کامیابی ہے۔